青衣船廠二級火│東主為江湖中人「大隻威」 冀警方徹查起火原因 「唔會就咁算」
發佈時間：13:16 2024-04-19
今早青衣担杆山路82號威盛船廠發生二級火警，船廠負責人綽號「大隻威」，一度為黑幫新義安屯門區頭目，直言現已「金盆洗手」。他在2021年11月頂手威盛船廠至今，今早他在火場講述事件，坦言「唔明點解起火，希望差人翻查cctv，要查呢件事，唔會就咁算！」他說成間船廠燒通頂，損失難以估計。
相關新聞:青衣船廠二級火濃煙升半空 1狗1貓慘死無人傷
「大隻威 」說火警發生時無人在廠內，是返工的市民經過發現報警的，「連埋自己部平治，有三部車喺入面，但都冇充電，唔明點解起火。」他直言希望警察翻看附近閉路電視，有否可疑人或可疑車輛出入。
相關新聞:青衣船廠二級火│兩船廠遭殃 暫未知起火原因是否可疑
他不諱言自己是江湖中人，「當初買間廠，係因為自己好多船做工程做生意，都需要維修，自己維修返，唔使咁貴。都做返正行，唔好攪我啦。」被問到是否有人要「攪」他，他說一半一半，「自己係江湖中人，點都會查，等差人做嘢去查，你鍾意嚟燒我咪燒囉，間廠燒通頂，好難估計損失。 我要知道調查結果係蓄意定自然起火！」
他說當初頂手投資用了2000萬，但因為近年經濟差，「有機會都想賣，但賣唔出，所有海面工程都冇得做，做船廠都係坐喺度食粥。」
他指起火太快，廠內有油漆存放，不排除搶火，門口又有數條車胎，燒起噴出黑煙，以他了解，是地面的車輛首先起火，「之前冇人過嚟找過麻煩，呢度全部都識，但要查呢件事，唔會就咁算！」
翻查資料顯示，2021年11月22日，「大隻威」頂手青衣担杆山路一間船廠，並在當日開幕。O記主動出擊，到場調查及執法，其間發現有舞獅及開幕派對等活動，以涉嫌違反限聚令（第599G章），向場內人士發出62張定額罰款通知書。以每張罰款5,000元計，合共罰款31萬元。當時警方懷疑該船廠與走私活動有關。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
