錦上路致命車禍｜目擊者斥涉事司機「冇人性」 否認「撞到人」開車走
更新時間：13:49 2024-01-07
發佈時間：13:49 2024-01-07
發佈時間：13:49 2024-01-07
字體大小
一輛拖架貨車於昨午（6日）在元朗錦上路撞斃一名77歲婆婆，54歲巴基斯坦籍男司機一度駕車離開，事後返回現場被警方拘捕。目擊事發的街坊林先生講述經過，他直指當時現場人士曾向涉事司機大聲呼叫：「撞到人呀」，其他司機亦響號示警，涉事的拖架貨車司機將貨車駛前約100米才停下，一度下車走到拖架車尾，惟他並無查看婆婆情況，更否認撞到人聲稱：「冇呀」，隨即開車離去。林先生形容對方「冷血」、「冇人性」。
相關新聞：元朗錦上路七旬婦遭拖架撞斃 司機一度不顧而去被捕
林先生指出，事發時涉事的拖架貨車將婆婆撞倒，尾轆繼而輾過婆婆腳部，婆婆「攤咗係度」仍有知覺，但腳部被輾至血肉模糊。當時涉事拖架貨車由貨倉駛出，「出嚟冇停過車，轆到阿婆都一路行緊，行前100米先停低」。現場街坊立即叫停涉事的拖架貨車司機，「成街人嗌佢（涉事司機），其他司機亦呠佢，佢知有人叫佢，落咗車行去貨車尾。我話畀佢聽撞到人，轆到阿婆，佢話『冇呀』！一眼都無望過阿婆，開車走人。」
林續稱，被撞的婆婆居於附近屋苑，保安員認出婆婆為住客，於是通知家傭趕到到現場。據街坊稱，涉事貨倉不時有貨車進出，但司機駕駛普遍態度欠佳，多次不顧現場交通越線出入，而涉事被捕的司機工作約6年，駕駛態度相當惡劣。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
