財政預算案｜多間便利店中午旋即加價12元老煙民：食得起咪食食唔起咪戒

更新時間：19:19 2023-02-22 HKT
發佈時間：19:19 2023-02-22 HKT

新一份財政預算案今日（22日）出爐，財政司司長陳茂波宣布增加煙草稅由每包38.12元加至50.12元，增加逾3成，即每支香煙加稅6毫。政策宣布後，本港多間便利店隨即上調香煙價格，其中將軍澳的7-Eleven已在收銀機當眼處貼出告示，指「因應煙草稅和成本營運增加，部份香煙之零售價每包加港幣$12。」

煙民：食得起咪食，食唔起咪戒囉

每日食超過一包煙的煙民潘先生指自己煙齡數十年，煙不離手，雖然曾嘗試戒煙但從不成功，「食開要戒煙真係好難，以前都試過戒，但幾日之後就食返」。他又稱，現時每包煙雖加價12元，但他仍會支持「正煙」，不會轉投私煙的「懷抱」，「咁一定係正煙好味道啲，私煙嚟自好多度，味道唔同啲，但正煙貴好多，而家咁情況唯有食少啲，但戒就好難，始終都食咗幾十年」。他又相信不少人會因為加煙稅而轉買私煙，「每日要洗多十幾蚊，有啲人可能會同私煙商買私煙，始終私煙賣得平啲，但都無辦法啦」。

另外，煙齡逾50年的煙民蕭先生亦指，政府雖然加煙稅，每包煙加價12元，但對他影響不大，亦不會因此而戒煙，「食得起咪食，食唔起咪戒囉，都食咗咁多年，戒咗煙會病，最多食少啲唔會戒」。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ