爛口與躁底各不相讓 女乘客落車的士突開車 嚇到尖叫救命
發佈時間：16:03 2023-01-13
躁底的哥遇上爛口乘客，結果是怎樣？網上今（13日）日瘋傳兩條短片，一名女乘客疑不滿的士司機行錯路，爆粗責罵，的士司機亦粗口還擊，互窒互寸，當女乘客下車期間，的士司機踩油狂飆，令女乘客無法落車，車門大開隨時被拋出車外，嚇得她歇斯底里大叫：「救命」，的士行駛約一分鐘停下，女乘客最終有驚無險。
第一條片題為「直擊 -（前傳）乘客落車的士突然開車，乘客沿途大叫救命」，片長45秒，女乘客說：「我話天橋咋喎，咁你都要發嬲？」司機邊駕車邊反駁：「咁大聲喝」，女乘客又回敬：「你喝我先喎！」，司機埋怨：「咁爛口」，女方駁斥：「爛口咪爛口，你吹咩？」，二人各不相讓，滿口骯髒說話。
的士司機與女乘客為行錯路問題 沿途爆粗舌戰
▼▼▼第一段片截圖▼▼▼
第二條片題為「直擊 - （謎）乘客開門落車之際，的士突然開車，乘客沿途大呼救命」，片段一開始，的士停下約半分鐘，女乘客開門準備落車之際，的士突然高速開行，女乘客和在路邊等候的男子不禁大喝：「喂…喂…喂…」，但司機不理睬。車門大開，一路奔馳，女乘客不斷尖叫：「救命呀….救命呀」，為恐飛出車外，女乘客拼命拉緊車門，幸司機於一分鐘後終於停車，事件告一段落。
女乘客後事後於youtube解釋與的士司機爭執原因：「當日，我係由法國醫院去麗晶花園，因為嗰度有條新路，係富豪酒店隔離，有條橋可以去啟德，咁我就提一提個司機，佢就好大聲咁鬧我：我咪打緊燈囉你盲㗎？咁我就鬧翻佢轉頭」。
女事主叫丈夫到麗晶花園等她，但的士最終去了德朗邨，其丈夫行去德朗邨會合，「跟住個司機就突然之間喺我開車門嘅時候開車，就係段片咁樣，然後佢駛到去宏天廣場嗰邊，有兩個途人見到，我不停叫救命，嗰兩個途人就叫個的士司機落車，咁我先至敢落車，因為我驚佢會又係我落車嘅時候開車。」她稱，當時已報警，警方亦有到場處理。
▼▼▼第二段片截圖▼▼▼
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
