樂易玲爆蔡子健受「鹹豬手」事件困擾內地拍劇遭抽水郭羨妮：唔好搞我！

頭條日報-娛樂

更新時間：11:25 2015-06-16
發佈時間：00:00 2009-02-07

       郭羨妮（Sonija）、郭晉安等前晚出席新劇《古靈精探2》煞科宴，被指是「魔術鹹豬手」事件受害人之一的Sonija就透露，曾在內地拍劇時疑遭工作人員「抽水」！
      Sonija談到「魔術鹹豬手」事件，她再三強調並無此事，她說：「不過喺內地拍劇時，曾發生過疑被抽水事件，一次我上馬時，個工作人員推我屁股，其實佢都應該知我識騎馬、上馬，所以我即時大罵，我識上，唔好搞我！」
      無線高層樂易玲在另一場合表示，蔡子健及眾被視為「魔術鹹豬手」、「嫌疑者」男藝人，甚受困擾，「女藝人如受侵犯，應企出嚟指證，唔好為博見報亂講，我宣佈無線成立監察小組，防止未來再有類似事件發生。」
      樂小姐直指苑瓊丹已表明「嫌疑者」不是無線藝員，亦不是活躍藝人，「女藝人好委屈，男藝人就更委屈，佢哋好多都係正人君子。大家講嘢唔好咁隱晦，如陳志雲所言，冇原告點會有被告？」
      有指她約苑仔及蔡子健當面對質？樂小姐坦言只約了苑仔，「都有見過子健，同時亦見過好多台前幕後！（子健是否很困擾？）個個男藝人都受困擾，我都好困擾！（子健的工作有否改變？）點解有改變？都冇人話佢係『鹹豬手』！」
      本報記者


■Sonija透露在內地拍劇時曾遭工作人員推屁股。