梁家權 - 第一次吃營多撈麵 | 好味大過天

專欄

更新時間：02:00 2025-07-25 HKT
發佈時間：02:00 2025-07-25 HKT

　　「『中超』啲嘢貴啲㗎！」第一次在英國聽這句話有點摸不着頭腦，以為講中國足球，原來是說主要賣中國貨的超市。遠渡重洋運到彼邦，跟香港或內地的價格比較，其實自討沒趣！要比，就同城格價。

　　事緣於一包營多撈麵。首先是在全英各大小城鎮都有連鎖店的Tesco超市發現有得賣，標售每包1.1鎊，約11.7港元，豈料走過隔幾個舖位之外的「中超」，只賣0.45鎊，如果一次過買一箱，每包甚至低到0.39鎊，以為睇錯是另一款麵，於是拍下照片再回Tesco比對，的確是同一款，「中超」平超過一半！

　　第一次注意這種即食撈麵是幾年在銅鑼灣中央圖書館對面的小士多，學生排隊買，並且加魚蛋、燒賣之類的小食，當時只知是時下年輕人愛吃的東西，也是便利店甚受歡迎的速食早餐。不過，我從未吃過，半個月前到英國，見兒子的宿舍有一包，才第一次撈來吃，嘿，原來又幾好食。吃完打算替他補貨，才發現價位相差之大。

　　英國物價與香港相比，英國當然高得多，相信營多麵在香港更便宜，因為出前一丁最平也只不過3元半左右港紙，營多麵冇理由貴過出前一丁。記得在摩頓臺背後的信德街有一家專營印尼食品的商店，果然有多款營多麵，最平原味版5包一袋，兩袋賣18元，即每個1.8元，其他特別口味則兩袋22元，其實不貴。看包裝說明，馬來西亞製造。

　　冷水落麵，水滾起一分鐘便蓋上及熄火，焗一分鐘便撈起稍為瀝乾水，麵質都幾柔韌。原味版隨麵附油、醬、味粉等共5小包調味料，除了味粉其他都用，再加家中的蒜蓉桂林辣椒醬，放一隻日本醬油漬蛋，滋味到不得了。

梁家權

↓立即下載星島頭條App↓