楊卓娜兩度生蛇眼角永久留疤
更新時間：03:00 2025-06-17 HKT
發佈時間：03:00 2025-06-17 HKT
發佈時間：03:00 2025-06-17 HKT
字體大小
楊卓娜今年初驚現眼角潰爛，以特別妝容出席頒獎禮，事後才發現原來是第二次生蛇。她曾誤以為是在內地拍劇時被蟲咬，導致錯過黃金治療時間，最終造成左眼角永久凹陷及疤痕。
楊卓娜坦言從未意識到自己會再生蛇，因為數年前她曾在肚皮位置患上生蛇，當時痛楚難忍，影響工作與休息，她憶述：「第一次生蛇喺疫情嘅情況下，懷疑係咪因為自己亂咁飲食或者影響，以為係濕疹，最初只係睇中醫，後來老公同我講覺得係生蛇，拖咗好耐我終於睇西醫先確定係生蛇，當時已經錯過治療黃金期，一邊食藥一邊搽藥膏，每晚都瞓唔到，好崩潰。」
半邊面腫到郁唔到
由於聽聞生蛇一般只發生一次，加上她自覺身體健康，從沒想過會再次出現。直到今年年初出席《萬千星輝頒獎典禮2024》時，見她在眉邊晝了一朵花，與當日打扮頗為不協調，當時她稱因為早前「生蛇」，傷口感染有紅腫，所以逼於無奈要化妝遮蓋。楊卓娜坦言︰「頒獎禮前兩日先發現生蛇流晒膿，今次生蛇試過有半邊面腫到郁唔到，成個眼袋跌咗落嚟，所以𠵱家好返啲我都考慮接種蛇針，都建議啲朋友要打蛇針預防。」至於留下凹陷傷痕，她坦言已經接受這個現實，眉毛也因此缺了一部分，雖然目前未有特別的處理方法，但仍希望未來能透過美容技術改善情況。
此外，楊卓娜稱現時非常注意養生，儘管工作日夜顛倒，都會服食不同補充劑，靠煲湯調理身體，拍劇時更與劇組分享靚湯，笑言是造福眾生，但暫未有計劃出湯包。
最Hit
