蔡天鳳母：鄺港智全家奶粉都無買過一罐
發佈時間：03:00 2025-06-04 HKT
名媛蔡天鳳前年遭肢解碎屍，事後前夫鄺港智三父子被控謀殺罪。前家姑李瑞香否認1項妨礙司法公正罪受審，蔡天鳳母親張燕花昨續於區域法院作供，直言近年「李瑞香全家都係阿女畀錢」，李瑞香破產後負責照顧小孩，蔡天鳳向李瑞香支付薪金，每月金額由5萬元至40萬元不定，李瑞香等人「奶粉都無買過一罐」。張燕花揚言李瑞香等人對一對孫子「有錢咪錫囉，無錢咪我哋照顧囉，（蔡天鳳）嫁咗譚仔之後有錢就錫喇」。
辯方大律師陳慕賢盤問下，張燕花指出蔡天鳳、前夫鄺港智及生前伴侶譚方駿3人之間關係良好，譚方駿甚至納蔡鄺兩名子女為契子女。張燕花續指譚方駿之父創立譚仔雲南米線，「財政好好」；相反鄺港智蔡天鳳2013年婚宴禮金事宜，張燕花指李瑞香當時「一講就無錢」，然而「細路仔都有喇，咪擺囉」，但是李瑞香「一蚊都無畀過」。張燕花否認李瑞香曾在財政上支持2夫婦，提到李瑞香曾經破產，聽聞由於「炒股票」賠本，辯方反指李瑞香破產只因時裝店生意失敗。
「不停叫我唔好講」
張燕花直言十多年來先後由自己和蔡天鳳負擔家庭開支，近年「李瑞香全家都係阿女畀錢」，李瑞香破產後負責在加多利山居所照顧小孩，蔡天鳳為此向李瑞香支付薪金，金額不定，每月至少5萬元，「有時真係十幾廿萬咁畀」，甚至曾高達40萬元，小孩開支、家傭薪金、膳食開支再另外計算，李瑞香等人「奶粉都無買過一罐」，直至2人離婚為止，「飯佢哋都冇請過我食一餐」。張燕花揚言李瑞香等人對一對孫子「有錢咪錫囉，無錢咪我哋照顧囉，（蔡天鳳）嫁咗譚仔之後有錢就錫喇」。
張燕花憶述前年2月23日案發時，被告李瑞香「不停叫我唔好講，乜嘢都唔好講」，然而自己認為「個女唔見咗我一定會配合（警方）㗎」。張燕花續指當時鄺家「全家都無一個關心嗰種，（李瑞香稱）『你咁快報警，真係會撕票㗎』；大佬（鄺港傑）話『飲醉酒聽日返來啦』」，然而自己再追問鄺港傑曾接載蔡天鳳到何處，鄺港傑卻稱大埔「嗰條街唔記得咗」，張燕花遂起疑心。
「唔知個仔喺邊度」
警員吳文海及陳偉德等3人憶述2017年3月10日奉命前往將軍澳尚德邨某單位搜尋通緝人士鄺港智，當日被告李瑞香應門後回應指「無聯絡個仔，唔知個仔喺邊度」，3人吩咐對方將來如見到鄺港智需要通知警方。
警長伍俊浩作供指前年隸屬西九龍失蹤人口調查組時，2月22日午夜接獲蔡天鳳伴侶譚方駿及張燕花報案，指蔡天鳳失蹤，伍俊浩隨即展開調查。伍俊浩透過蔡天鳳司機鄺港傑取得李瑞香聯絡電話，同日三度致電。伍李早上近10時通電話約19分鐘，期間伍俊浩要求見面家訪惟遭拒絕，李瑞香稱「要湊小朋友好忙」。
伍俊浩憶述午後再通電話約9分鐘，問及蔡天鳳與前夫鄺港智的感情狀況，李瑞香表明「唔想講」。伍俊浩索取鄺港智聯絡電話，李瑞香先指鄺港智「用好多唔同電話打畀佢」，追問下又拒絕提供，稱「唔想話畀你聽」。伍俊浩形容李瑞香「好唔合作配合調查⋯⋯唔係好合作幫手搵人嘅人囉」。
伍俊浩交代當時得知蔡天鳳與人無仇無怨，同日下午5時許最後1次致電，通話16分鐘。伍俊浩要求見面，李瑞香多次拒絕，聲稱「要湊仔好忙」、「好攰」，期間鄺港傑接過話筒，連番要求下終相約翌日中午於加多利山住所會所見面。
案件編號：DCCC140/2024
