頭條戲場 - 《器子》父能量 | 頭條戲場
更新時間：02:00 2025-06-04 HKT
發佈時間：02:00 2025-06-04 HKT
發佈時間：02:00 2025-06-04 HKT
字體大小
張孝全主演的動作犯罪電影《器子》，宣傳口號「販器攻心」，是講一門販賣人體器官的生意︰當顧客向黑市中介落單，後者就向不法分子send message︰「我哋幫你接咗一張新定單，請及時處理。」壞人要在限時內拐走目標，活摘器官，賣畀有需要客人。《器子》講述張孝全女兒李沐失蹤，他懷疑阿女心臟被挖掉，成為「器子」，移植到他人身上，而展開復仇。
（上映日期︰6月）
撰文︰華朗
提起螢幕「最強老竇」，近十多年要數Liam Neeson的動作電影《救參96小時》系列。台灣方面最近就有張孝全的《器子》（港產片有不日放映，鄭中基主演的《阿龍》）。跟Liam Neeson角色人設不同（前特種部隊、前CIA），張孝全只是一名棒球教練，他用坐冤獄的時間，強身健體，佢出返嚟要為搵番阿女條屍；為親生女報仇之前，當然要抽絲剝繭，先可以搗破犯罪集團。
張孝全血腥復仇
Liam Neeson是獨行俠，《器子》中張孝全就有好多幫手，觀眾會看到他運籌帷幄，軍師的一面，又會睇到佢為咗攞料而虐待相關人士。加埋貼身肉搏又飛車追逐，同時畀黑白兩道追殺，真相原來不是真相，局中有局。睇劇照，反而沒有活摘器官的血腥場面。張孝全個女由李沐飾演，兩人並非第一次合作，她早年憑NETFLIX懸疑推理電視劇《誰是被害者》奪金鐘獎「最具潛力新人獎」。本片仲有靚仔靚女婁峻碩、程雅晨，有好戲之人黃健瑋、薛仕凌飾演各懷鬼胎警探，總之戲軌外就係好多支節，好多角色，總之就係貪心。有些電影，你想佢拍成劇集，呢一齣就係，片長得108分鐘真係唔夠喉。
頭條戲場
最Hit
