KellyChu - 唐英年以上海話邀內地觀眾參與「上海西九文化周」月中呈獻7大節目 | Executive日記

專欄

更新時間：02:00 2025-06-04 HKT
發佈時間：02:00 2025-06-04 HKT

仲有半個月就係「上海西九文化周」開幕了，這將成為西九落實香港頂尖文化藝術節目「走出去」嘅重要里程碑。Kelly得知，西九已準備咗一系列猛烈宣傳攻勢，將鋪天蓋地在上海宣傳香港、西九帶去上海嘅重點節目。西九文化區管理局董事局主席唐英年更以上海話粉墨登場宣傳短片，誠邀上海觀眾參與「上海西九文化周」及親臨西九。

　　睇過《繁花》嘅讀者便會知上海話雖然有魅力，但並唔易學。唐唐講上海話，仲要喺小紅書、IG、FB等社交媒體宣傳上海西九周活動，大家又有無聽過呢？「希望上海喜歡藝術的朋友，以後來西九遊玩，就像回家一樣」呢句講得相當地道，如此用心學習，尊重當地文化，值得畀個like！

　　「上海西九文化周」期間，西九將與上海6個文化藝術機構及場地攜手呈獻7大重點節目，涵蓋原創展覽、表演藝術及品牌推廣活動，其中包括和上海知名咖啡品牌MANNER COFFEE合作推出限定藝術聯乘，MANNER全國所有門店都會換上西九特別設計嘅限定紙杯、杯套和紙袋，及向顧客送贈限量文創禮品。西九亦會在上海市中心打造兩間「WestK x MANNER」主題門店，展現香港及西九嘅文化魅力。

　　「貝聿銘：人生如建築」上海站展覽已於4月26日向公眾開放，為「上海西九文化周」打響頭炮。原創粵語音樂劇《大狀王》本於本月17日至29日在上海文化廣場公演，因門票銷售反應熱烈，亦已宣布加開6月22日及28日兩個場次。

KellyChu