郭晉安浸浴水沖廁姚子羚姊妹交換衫着

星島日報-娛樂

更新時間：03:00 2025-06-04 HKT
發佈時間：03:00 2025-06-04 HKT

　　娛樂圈向來予人活在紙醉金迷、充滿金錢世界的感覺，但其實圈中不少明星都出名慳家。今期《星級大搜查》訪問多位明星，搜查一下圈中有哪些慳家藝人以及分享獨門慳錢大法。
　　郭晉安指，做演員其實不常花錢，因為開工有飯盒，又有車接送，而他個人最着重慳水：「有時工作好攰，我會返去浸吓浴，我通常唔會拎開個塞流走啲水，會用嚟沖廁所。」而他的緋聞女友莊子璇就同樣是慳妹兼環保份子，笑說：「洗米水可以用嚟淋花！」
小方偷雞唔到蝕拃米
　　至於姚子羚在置裝方面，除了靠贊助，也有其他慳錢妙招，她會選擇與好友交換衣物：「定欣（胡定欣）借過衫畀我，豹嫂（胡蓓蔚）借過鞋畀我，得杏兒（胡杏兒）借唔到，因為佢比較高大。」
　　不少藝人平日都有駕車習慣，但他們都認為，日常生活最能慳錢的就是交通方面。黃浩然透露最近忙於排練舞台劇，位置在九龍，他則居住港島區，所以選擇乘搭公共交通工具：「揸車要泊停車場，加埋隧道費……其實我淨係排呢個劇都慳返兩、三萬蚊！」不過慳錢都要有法，否則會「偷雞唔到蝕拃米」，方力申表示平常會慳泊車錢，但有次為得到泊車優惠，反而「蝕咗」：「要（花費）200蚊，其實我只係要兩杯咖啡，我買夠4杯、5杯，我買完之後超時一分鐘，最後都要畀錢。」

↓立即下載星島頭條App↓