蔡天鳳母作供鄺家索七八千萬投資
發佈時間：03:00 2025-06-03 HKT
名媛蔡天鳳前年遭肢解碎屍，事後前夫鄺港智三父子被控謀殺罪。前家姑李瑞香昨於區域法院否認1項妨礙司法公正罪開審，蔡天鳳母親張燕花出庭作供，交代與鄺家關係「好好」，但透露「2個孫佢哋屋企（鄺家）1蚊都未畀過」，生活開支從來由張燕花母女承擔，道「噉要睇細路仔⋯⋯邊個（出錢）都冇所謂」。張燕花直言鄺港智「完全都冇錢，點會攞錢出來啫」，卻曾聯同鄺球「叫阿女攞錢去投資⋯⋯攞咗七八千萬去注資」。
署理助理刑事檢控專員梁育珩開案陳詞指，65歲被告李瑞香丈夫為鄺球，長子鄺港傑、幼子鄺港智Alex，鄺港智2013年與蔡天鳳成婚，兩年抱兩。鄺港智盜竊約630萬元，2015年被控7項盜竊罪，原訂同年11月至12月於區域法院開審，惟鄺港智同年8月17日起沒有報到，棄保潛逃，4日後獲發拘捕令，被列入通緝名單。
兩家曾關係良好 頻見面通訊
控方傳召蔡天鳳母親張燕花出庭作供，張燕花在庭上辨認被告李瑞香時，被告李瑞香不禁落淚。張燕花操帶口音廣東話，交代自己生於海南，於內地讀畢中學，1994年來港，同年誕下長女蔡天鳳。張燕花憶述蔡天鳳自小在香港接受教育，2010年左右讀中學時認識鄺港智，16歲懷孕時，鄺港智遷來黃埔花園同住，2人產子後結婚，翌年再誕一女，張燕花當時甚為鍾愛女婿鄺港智，關係甚佳。張燕花自2014年已經知悉鄺港智牽涉「偷金」案，自己更有份錄取口供，得知鄺港智獲法庭保釋，後來再問及此事時，鄺港智稱「佢爸爸幫佢搞掂咗，賠咗錢畀人」。
張燕花交代與鄺家關係「好好」，經常見面，鄺蔡2人2017年離婚，子女由蔡天鳳撫養，蔡天鳳其後成為譚方駿伴侶，家庭經濟環境充裕。蔡天鳳斥資購買加多利山Kadooria某單位，供子女居住，2021年入伙，大廳廚房均設有閉路電視，具錄音功能，用以監察子女。
即使鄺蔡2人離婚，張燕花仍與鄺港智等密切聯繫，每日通訊。張燕花憶述蔡天鳳一對子女開始上學後，每周末都會到張燕花曼克頓山住所留宿，到疫情期間更長住曼克頓山，鄺球、鄺港傑亦不時上門一同用膳，然而鄺港智卻因「偷金」案而減少出入。
張燕花接受辯方大律師陳慕賢盤問時透露「2個孫佢哋屋企（鄺家）1蚊都未畀過」，生活開支從來由張燕花母女承擔，「所有屋企都係我個人畀⋯⋯所有乜嘢都係阿女出，佢哋屋企真係冇使過一蚊錢⋯⋯佢哋冇付出過㗎」。被問到何以願意承擔所有支出時，張燕花回答「噉要睇細路仔、要生活呀嘛，邊個（出錢）都冇所謂」。張燕花談及蔡天鳳後來再生一女時，解釋母女事前曾經商量，「都生咗一個，阿女又鍾意，我哋做父母佢哋過得開心（我哋）都要順住啦」。張燕花坦承經濟負擔漸重，惟「細路仔都冇辦法啦，啲孫嘛」。
辯方指出，早於2013年鄺蔡2人已經合作做生意，張燕花否認，反指後來鄺港智及鄺球「叫阿女攞錢去投資⋯⋯攞咗七八千萬去注資」。辯方指出鄺港智有份斥資投資，張燕花否認指「完全都冇錢，點會攞錢出來啫」。張燕花另提到多年來經常回鄉探親，鄺家包括鄺港智亦不時隨行。
案件編號：DCCC140/2024
