KellyChu - 九龍公園甜品站變身朱古力概念店麥當勞夥雀巢炮製KITKAT新地系列 | Executive日記

專欄

更新時間：02:00 2025-06-03 HKT
發佈時間：02:00 2025-06-03 HKT

上個周末，Kelly去咗九龍公園，發現原先嘅麥當勞甜品站變身咗做KITKAT®POP-UP概念店！原來，香港麥當勞同雀巢香港成為策略合作夥伴，將陸續推出唔同嘅KITKAT®系列獨家產品，並將全港102個甜品站化身為KITKAT®甜品站。目前麥當勞全線甜品站已上架首個期間限定嘅「KITKAT®朱古力威化味新地系列」，包括KITKAT®新地筒、KITKAT®新地筒（配KITKAT®黑朱古力威化）及KITKAT®芭菲。

　　身為美食達人，3款新品Kelly當然都有試過，味道各具特色：KITKAT®新地筒延續經典嘅香濃順滑口感；KITKAT®新地筒（配 KITKAT®黑朱古力威化）嚴選日本直送72%黑朱古力威化，每一啖都感受到甘醇可可與威化脆片嘅完美交融，帶給味蕾雙重朱古力享受；KITKAT®芭菲將黑朱古力威化、迷你聰明豆®朱古力（SMARTIES®）和濃厚朱古力醬融入新地，打造四重朱古力感受，絕對係朱古力愛好者嘅必試產品。

　　香港麥當勞於1997年在九龍公園設立首個甜品站，為慶祝香港麥當勞50周年，更將呢個甜品站化身首間聯乘KITKAT®嘅POP-UP概念店。甜品站外牆變成巨型朱古力威化，加上放大版雙重朱古力新地筒擺設，就好似置身朱古力世界，感受到滿滿幸福味道，特別適合朱古力迷打卡！概念店由上月31日至8月20日期間，上午11時至晚上9時營業。

KellyChu