郭志仁 - 北海道旭川餐枱 | 九宮格
更新時間：02:00 2025-05-16 HKT
發佈時間：02:00 2025-05-16 HKT
發佈時間：02:00 2025-05-16 HKT
字體大小
壞男群組成員J先生新居入伙，邀請大家酒敘，眾人送上幾支法國不同地區的Cremant氣泡酒。Cremant跟香檳一樣，都以傳統製法瓶中二次發酵，但因為非產自香檳區，不能稱為香檳。正印小三，偶有爭議。
參觀新居後，成員讚歎J先生具生活品味。尤其那張全實木餐桌與電視櫃，線條簡潔卻不失質感，展現出簡約美學。電視櫃旁的琴葉榕，牆上自然風景畫，更為整體空間添上一抹靜謐氣息，突顯屋主喜愛大自然風格。
J先生左顧右盼，確定同居空姐女友正在廚房準備小食，便壓低聲線跟大家說：「其實呢，之前佢經常要飛，冇時間一齊睇傢俬，所以我搵咗另一個女朋友幫手。嗰個女仔讀設計，識畫畫又識插花，屋企啲傢俬同掛畫，基本上都係佢幫手揀㗎。」
眾人O嘴，J先生一臉陶醉繼續誇讚另一位女朋友的品味：「佢真係好叻，去完兩間傢俬舖，雖然表面風格相似，但佢可以講到邊間用咩材料、針對咩客人。就好似呢張北海道旭川實木餐枱，佢就同我分析北海道同廣島實木嘅差異，又教我應該揀沉穩嘅胡桃木，定係清新嘅楓木。屋企大半嘅擺設，都係跟佢意見買。」電視櫃上幾幅畫作中，有一幅更是出她手筆。
同居空姐女友，不懂設計，卻擅長烹飪。大家原以為她準備一些佐酒小食，沒想到會端出煙燻鵝肝、紅酒燴牛尾等佳餚。眾人終於明白，J先生為何選擇與她共同生活。
無論工作多忙，新居入伙，還是要手拖手一起選擇傢俬，免得你整天躺臥的梳化、共進晚餐的餐桌，原來是另一個人的心意結晶。
「免得這屋中一本書一張都使我，再次記起你。」鄭中基——搬屋
郭志仁
最Hit
