阿蕭翠如拍節目頻放閃惹投訴

星島日報-娛樂

更新時間：03:00 2024-05-24
發佈時間：03:00 2024-05-24

　　方力申（Alex）與黃翠如主持TVB節目《拍檔廚房》昨日再錄影，翠如老公蕭正楠與滕麗名會比試廚藝，方力申大爆阿蕭翠如兩公婆好眼冤，笑翠如雖說不揀老公做隊友，但又偷影老公，翠如卻指自己是明影，且跟老公沒眼神接觸。
方力申稱每次在節目內要跟黃翠如揀選心水隊伍，他見滕麗名日前到錄影廠了解拍攝情況兼試食，故對其廚藝有信心，惟自己不能揀選對方做隊友，原因是阿滕已被翠如揀了，「佢（翠如）話要避嫌唔可以揀佢老公喎！其實佢哋好眼冤，又話唔揀，但又偷拍、又笑老公！」
被爆常煮碟頭飯
談到被小方大爆與老公不時放閃，翠如否認其事，笑謂連眼神接觸都沒有，亦無偷拍老公，而是明影，因為兩位嘉賓（蕭正楠與滕麗名）煮的菜色都靚所以要影相。
蕭正楠透露會煮太太至愛鹹酸菜炒菜甫，翠如自言是潮洲妹所以愛吃鹹酸菜，惟在家從未煮蟹，指老公今次大顯身手。阿蕭搞笑謂：「我哋平日只食蟹柳！剛才我整蟹，隱約聽到尖叫聲，唔知係咪你（翠如）？但好少親自拆蟹，整嗰時手套都勾爛咗。」翠如笑老公經常煮碟頭飯，大讚調味好叻，建議他在結婚周年煮蟹慶祝。阿蕭笑問：「鹹酸菜蟹好唔好？我煮潮洲蟹！」
問到方力申跟陳曉華傳緋聞，可有激嬲女友葉萱？他說：「無喎！證明我哋感情好，知道我無古惑。（送禮物𠱁女友？）我唔係用禮物𠱁女友，係好似煮嘢食咁，用愛心同真心。」
滕麗名狂煲雞湯
滕麗名笑言為煮一道菜式而去學拆雞，所以近期經常飲雞湯，老公是否為她做「白老鼠」試味？她說：「雞湯無嘢嘅！我純粹學拆骨，只係三隻雞喺煲湯度。」她坦言煮家常小菜無問題，但要獲評判大讚就有難度。