胡慧沖 - 超級無敵的無邊際泳池｜筆泰沖動

專欄

更新時間：00:00 2023-08-04 HKT
發佈時間：00:00 2023-08-04 HKT

近年泰國真的好流行一些無邊際泳池的設計，無論住宅大廈又或者酒店，總會有高高在上的無邊際泳池。可以說，只要有無邊際泳池就是王道。

有關無邊際泳池的設計，其實都已經不清楚是何時開始流行，只見近幾年以來，曼谷的大廈Condo，無論幾十萬港元至千萬元豪宅，總會有無邊際泳池的出現，有時大廈上有一個甚至兩個！住客們在這裏就算不是真的游泳，只是影相打卡都會覺得超級正！至於酒店方面，基本上近幾年開始，所有新起的酒店都總會有無邊際泳池，高高在上望出去，無遮無擋，完全有大地在我腳下的感覺。就正如曼谷最近有間在市中心新開的酒店，20多樓上面的無邊際泳池環境十分開揚，對出沒有大廈擋住視線，再望遠少少仲見到一些古色古香的佛寺，所以好受顧客們歡迎。有問過一些香港旅客，他們覺得去泰國旅行揀酒店往往都要有幾個重要地方要留意：

第一、交通是否方便？會否近BTS？

第二、早餐豐富與否？

第三、會不會有無邊際泳池？

第四、當然價錢亦都要合理咁先至吸引，如果新酒店就更加好，舊酒店有人就可能會覺得有機會撞到污糟嘢……但其實撞到污糟嘢都要睇個人緣份的，唔係個個可以撞到……

可以說相對台灣、日本、韓國甚至香港，曼谷的無邊際泳池酒店數量實在不少，難怪這裏始終是遊客喜歡到來消費度假的一個熱門地方。下次去泰國曼谷旅行，記得就算唔去游水，都要搵返一間有無邊際泳池嘅酒店，方便影相打卡放上社交媒體，一定呃到Like！

胡慧沖