KellyChu - 西灣河站大變身港鐵協青社合呈塗畫藝術｜Executive日記

頭條日報-專欄

更新時間：00:00 2023-04-12 HKT
發佈時間：00:00 2023-04-12 HKT

小妹昨日路過港鐵西灣河站，發現好有feel，成個氛圍唔同咗！原來，港鐵同青少年機構協青社、本地藝術家同青少年合作，喺站內用塗畫藝術，呈現當區嘅文化景致。大家如果路過西灣河站，記得留意下呢個新打卡點！

呢項名為「躍動夢幻西灣」嘅藝術創作，透過年輕人嘅視覺，描繪區內獨特建築、文化同集體回憶，等乘客感受當區嘅獨特魅力。港鐵同協青社都話，很高興獲本地藝術家小塗蛙Jasontommy嘅支持，透過觀察社區同舉辦工作坊，帶領青年學員用新穎街頭塗畫風格，畫出大家熟悉嘅太安樓、西灣河漁港文化同協青社蒲吧等當區文化景致。

協青社總幹事鍾鳴達就解釋，西灣河區係港島東區富有特色嘅沿海社區，有好多舊建築同文化標記，所以繪畫用咗現代塗畫嘅複雜線條同色彩，突顯區內昔日情懷同文化，希望用藝術拉近舊區同現代社會嘅距離，等市民遊覽嗰陣有親切感。
Kelly Chu