拒談施明昏迷家事李家鼎躁爆：再問掟咪走

頭條日報-娛樂

更新時間：00:00 2022-12-13 HKT
發佈時間：00:00 2022-12-13 HKT

李家鼎（鼎爺）前妻施明，日前傳出在家中不慎跌倒撞傷頭部，因情況嚴重要做開腦手術，之後一直昏迷。施明出事後，鼎爺首度現身為TVB節目拍攝外景，當被問到施明狀況時，一向低調處理家事的鼎爺即時變臉表示：「再問掟咪走！」

李家鼎與林盛斌（Bob）等昨日以嘉賓身份，為謝雪心及堪輿學家陳定邦師傅等主持的節目《新春開運王》拍攝外景。問鼎爺有否向陳定邦請教？他說：「冇呀，都係問吓來年自己嘅身體，（財運？）佢話來年幾好，不過呢啲好難講，1,000萬你話嫌少都得。」

雖然鼎爺接受訪問時心情似乎不錯，不過提起前妻施明時，即時變得非常嚴肅地說：「唔好提嗰啲嘢，唔好提嗰啲嘢喇好冇？家事我唔想提，如果唔係就掟咪走！」問到是否因此事影響情緒，鼎爺隨即說：「都話唔答咯！」

鼎爺表示之後的工作要看公司安排，他亦因疫情隔離措施關係而未有出埠的打算，至於會否因疫情放緩而在生意上有新的策略，鼎爺說：「要視乎環境，留喺度或出去做，話唔定嘅！」

另外，一直篤信風水的Bob指自己亦有向陳定邦師傅請教來年的運程，他指師傅叫他明年要「守一守」：「師傅話我之前三年經歷人生低潮，不論事業、家庭同健康都沉寂咗，但呢兩、三年成個世界都低潮，起碼叫全世界都同我一齊。」