古星輝 - 開展5G智慧家居生活｜乜都5G

頭條日報-專欄

更新時間：00:00 2022-06-24 HKT
發佈時間：00:00 2022-06-24 HKT

公司最近喺鰂魚涌一間大型超級市場開設咗第九間「3 | 智慧百家DigiLive」店中店，不但為超巿嘅家居客戶提供流動通訊服務，亦開始咗為好多一家之「煮」，提供智慧家居生活嘅貼士，以及一系列智慧家電。

香港智慧家居市場的盈利預期於2022至2026年的複合年均增長率為11%，估計巿場容量約值2億3550萬美元，活躍嘅家居客戶將於2026年增長至40萬戶，而滲透率則預期由2022年嘅8.8%上升至2026年約14%。
提升效率提高生活質素

5G寬頻一插即用、唔使約師傅拉線、喺屋企隨時轉位都得，速度仲隨時快過固網寬頻；即使廳同房各擺一個，價錢依然好合理，改變咗好多用戶對寬頻嘅印象。有咗全屋收到嘅5G寬頻，大大擴闊智慧家居生活嘅長、闊、高、深。5G一大優點係能夠連接海量嘅裝置，而且覆蓋範圍廣，低功耗，係做到萬物互聯嘅可靠技術。

時至今日，5G不但有助提升工作效率，依家講緊係提升「生活效率」。上次店中店開幕，我見到同事就衣、食、住、行、樂，陸續搜羅咗適合唔同家居場景嘅智慧裝置，介紹俾家居客群。例如與家居保安息息相關嘅智能門鎖、攝影機、門鐘；有助環境調控嘅智能燈飾、空氣淨化抽濕機、冷暖風機；仲有一啲好好玩嘅智能寵物用品，例如識得自動「出糧」嘅寵物餵食器及飲水機等。

各種智慧裝置，配合智能家居系統，以及5G高速低時延嘅連接，能有效連成家居版IoT，做好自動化安排——幾時開冷氣、開電視、煮飯、開燈、熄燈，即使人唔喺屋企，都可以用手機或其他流動裝置遙控家居，從而善用等車、等人、排隊、搭車等碎片化嘅時間，提高生活質素，留返更多「me time」俾自己。

5G無論係支援感應器、應用喺識別AI語音同遙控，都有超卓表現，有助智慧家居生活同數碼化生活接軌，期待物聯網通用標準「Matter」得以盡快普及，加快智慧家居生活的發展。
和記電訊香港執行董事及行政總裁
古星輝