【#唔係講笑!】譚仔三哥堅岀10小辣面膜,三哥真玩大岀Mask,抑或小編愚人節中伏?!
更新時間:12:50 2021-04-01
發佈時間:12:50 2021-04-01
發佈時間:12:50 2021-04-01
嗱!譚仔三哥話岀10小辣面膜,呢個愚人節笑話唔係第一次講,時光倒流,仲記得2019年愚人節譚仔三哥Facebook一岀話推10小辣面膜,當年個個friend groups都瘋狂share,大家都狂估係真唔係,最尾發現得啖笑嘅慘痛經歷,仲刻咗喺小編個腦入面,所以今年4月1日愚人節又收到譚仔三哥話堅岀10小辣面膜,你知啦狼來了故事的教訓,就算講明唔係講笑,小編都係問完又問公關:今次三哥真係堅岀Mask?公關霸氣回覆「堅岀」,好?我信你,不過為免愚人節中伏太太太蠢,所以小編都係戴定頭盔,有對話截圖有真相XD!
譚仔三哥堅岀10小辣面膜証據 1:有合作單位
10小辣面膜要由講笑變破天荒推出,如果只有做開飲食嘅譚仔三哥獨力推出,小編會高度懷疑,但係有合作單位就唔同了,今次10小辣面膜與本地知名品牌「平凡媽媽」合作,平凡媽媽的產品出名100%手工製、天然、無酒精及無類固醇,高調宣佈與本地人氣高質素品牌聯乘出Mask,無理由兩個品牌一齊玩大嘅!
譚仔三哥堅岀10小辣面膜証據 2:有晒成份簡介
如果講笑,成份簡介未必會咁認真列晒出來啩!官方分享譚仔三哥10小辣面膜,加入辣木籽精華和豐富植物性保水成分,可以幫大家辣住緊緻肌膚、收緊毛孔,仲可以補濕、抑制黑色素同提亮膚色,咁詳盡,唔係愚人節講笑!
譚仔三哥堅岀10小辣面膜証據 3:一日限定兼有實物
雖然一日限定,但購買方法寫到足,大家只要在愚人節(今日) 去幫襯譚仔三哥,即可以加$18換購10小辣美白面膜一塊,數量有限,小編都搶到一盒實物,所以種種跡象顯示,三哥真係堅岀10小辣面膜,今日想打卡洗板就快入手了!
Text:Charly
最Hit
樂悠咭八達通優惠|樂悠咭升級1功能 即免費領取$100八達通增值額 附3步登記教學
2024-05-03 11:44
內地女暴雨戰麥理浩徑!光腿上山2日1夜行山露營 遭野豬咬爛帳篷/搶食物/手機行山鞋報廢 網民:還好沒被雷劈
2024-05-03 10:29
中電派$5800萬消費券|全港58萬家庭有份 逾2500商戶用得!前天文台長林超英都中獎 即睇資格+使用方法
2024-05-03 10:24