周嘉玲凸點搶鏡

星島日報-娛樂

更新時間：20:40 2016-07-18
發佈時間：03:22 2001-04-28

　　（星島日報報道）法國護膚品牌嬌蘭前晚舉行了一個「新世紀女性本色頒獎禮」，得獎之一的周嘉玲認真標奇立異，棄穿大會贊助的Celine晚裝改以私伙低胸裙上陣，凸點再度成功搶鏡，而吳綺莉以迷你裙盡「騷」修長美腿，兩人可謂平分春色。

　　為隆重其事，除了周嘉玲外，其餘得獎的五位女藝人皆穿上由Celine贊助以金色為主的性感晚裝，獲獎的周嘉玲近排凸點凸上癮。周嘉玲話：「因為時間太趕，所以沒有用乳貼。其實呢件衫好安全，不過擔心啲記者搵啲角度去影相。」

　　下星期周嘉玲會飛赴新加坡宣傳《俠骨仁心》，她透露八月份會拍一部新片。

　　另一邊廂奪得獎的靚靚媽咪吳綺莉亦不輸蝕，T恤配迷你皮裙，修長美腿盡入眼簾。

　　吳綺莉這位單親媽咪獨力撫養女兒，是否獲獎的原因？Elaine話：「唔係嘅，可能我心地善良。其實我覺得一個人定要有信心，唔係就好難做到嘢。」

　　對於某周刊指成龍與章子怡傳緋聞，為了補鑊成龍勁氹嬌妻林鳳嬌，連累吳綺莉亦被翻舊帳。當問到Elaine對事件有何睇法？她說：「關我乜事呀？」