Juicy叮｜30歲仍與父母住「唔識洗衫熨衫」網民嘆港人悲哀缺自理能力

港聞

更新時間：19:34 2021-08-10 HKT
發佈時間：19:24 2021-08-10 HKT

網民慨嘆香港很多人踏入30歲仍然與父母同住，缺少自理能力。《香港愛情故事》截圖

香港租金樓價高企這個老問題，持續困擾幾代人，網民在「連登討論區」發文，指「香港地好多人直到30歲都同仲父母一齊生活...中國（內地）農村嘅細路，好多時窮都十幾歲就離開家鄉出城工作同住」。發文者覺得「是否悲哀同缺少好多自理能力」，他舉例「有個Fd到而家都唔識洗衫熨衫」。

有網民旋即搬出買豪宅仍然與父母同住的藝人古天樂反駁，「古天樂係咪好悲哀同缺少好多自理能力？」、「同屋企人住同悲哀同缺少好多自理能力有咩關係」、「家家有本難念的經，唔好成日企係自己角度睇人喇」。

網民慨嘆香港很多人踏入30歲仍然與父母同住，缺少自理能力。《香港愛情故事》截圖

也有人認同，「我有個朋友成日話：『香港男無用，日本20歲女仔有獨立能力及解決困難，一人由其他縣搬去東京住和工作，不是與父母一起。香港男生和香港女生結婚後仍然和父母一起住！顏面何存？』」。、「香港好多人最基本煮食技能都無，仲成日好自豪咁話自己唔識煮淨係叫外賣」

有新遷出的過來人留言說，「我年頭搬出嚟住，未搬出嚟之前屋企部洗衣機同飯煲都唔識用，搬左出嚟之後洗衫、晾衫、煮飯、洗廁所、吸塵、拖地、抹窗、洗抽油煙機、洗隔塵網、抹煤氣爐火咀全部都變速成班。有啲嘢真係屋企有人做自己就唔會做，係真係要自己住逼出嚟，當然唔係個個咁幸福有錢搬出嚟。」

帖文轉載自「連登討論區」