早產嬰悅悅腎衰竭停止洗血 媽媽:一息尚存都唔會放棄
更新時間:20:27 2021-07-08
發佈時間:11:41 2021-07-08
發佈時間:11:41 2021-07-08
悅悅媽媽在Facebook專頁「CoKa.Kona Baby」分享悅悅最新情況,表示悅悅洗血已經有5個星期,昨日見醫生,醫生表示阿蒙尼亞指數尚且合格,今日起會停止洗血。「呢項決定並唔係因為悅悅肝臟情況好轉,而係經過5星期洗血,情況雖然冇惡化但亦冇好轉,而且繼續洗血只會增加多一個感染風險,所以都希望悅悅能夠舒舒服服咁瞓喺病牀上,唔好太多束縛。」
另一方面,媽媽表示悅悅腎臟開始有衰竭跡象,但暫時未需要用藥物控制, 排尿方面情況不太樂觀,今日停止洗血後需要繼續觀察, 指數上有沒有大幅轉變,視乎情況用藥物控制,否則用藥過多或會令肝臟不能負荷。
「醫生指悅悅其實復原機會好微,嚟緊日子主要都係希望佢能夠精神番少少,唔好太多束縛,舒服啲。唯一安慰嘅係小腸吸收能力開始有好轉,慢慢工作中,但似乎未能夠對肝臟有明顯幫助。」
雖然情況並不樂觀,但媽媽仍抱有希望:「只要一息尚存,我哋都唔會放棄!」,更分享一張製作P圖,示意悅悅能像美少女戰士一樣對抗病魔,「我要代表月亮懲罰你!」。
資料來源:CoKa.Kona Baby
最Hit
樂悠咭八達通優惠|樂悠咭升級1功能 即免費領取$100八達通增值額 附3步登記教學
2024-05-03 11:44
內地女暴雨戰麥理浩徑!光腿上山2日1夜行山露營 遭野豬咬爛帳篷/搶食物/手機行山鞋報廢 網民:還好沒被雷劈
2024-05-03 10:29