【Kelly Online】連續3輛的士見輪椅客即冚旗網民：真係好衰

港聞

更新時間：16:33 2020-09-20 HKT
發佈時間：15:52 2020-09-20 HKT

不少網民都有留言都不滿的士司機服務態度。資料圖片

很多市民都有感，不少的士司機的服務態度與經濟市道往往成反比，如藝人所言「去到山窮水盡先肯同你講多謝」，不過有網民在討論區「親子王國」發文，目睹連續3輛的士見到坐輪椅客人即冚旗揀客，令網民看不過眼形容「真係好衰」。

網民透露，「喺銅鑼灣fashion walk 排長龍等的士，排頭位係一個坐輪椅的老人家，有工人同啲女一起。連續3架的士見到係坐輪椅，即刻冚旗，有個仲衰，埋到的士站，見到即刻開走架車。我排後面都睇唔過眼」。

其他網民紛紛批評，「有啲真係好衰，扮睇唔到，所以推住輪椅，我寧願搭巴士」、「好衰。因為輪椅上車落車花好多時間，而且都係附近居民多，短途唔多錢。有朝一日啲司機都會老。」、「不關疫情事，早幾年我推坐輪椅家人外出搭的士遇不少，之後家人代截車，我才跟家人上車，係怕上落慢，又要幫手放輪椅」

有網民稱推輪椅很難搭的士。示意圖片

也有其他非乘坐輪椅的市民留言投訴，「我腳程十分鐘返屋企，因落雨搭的士。上車聽到同區唔洗跳表，關咗車門都叫我搵另一架，最後我落車行路算！周街吉的仲咁嘅態度」、「就算落雨截的士，見到你坐輪椅冇帶遮都唔會停，冚旗在你面前駛過，我仲試過畀的士佬話，叫我家人唔好坐的士，叫我call白車。」、「我試過抱住初生BB ,工人拎住BB車在街邊等的士去健康院，好多架吉的士經過都唔停俾我，當時真係好想喊」。