【Kelly Online】男童入女廁捱轟港媽訴苦盼體諒有特殊需要兒童

港聞

更新時間：17:50 2019-04-30 HKT
發佈時間：13:43 2019-04-30 HKT

有網民在一商場女廁中內發現有男童正在洗手，於是拍照上傳社交網站公審。

社會不時有聲音討論家長能否帶年幼子女進入異性的廁所！早前有網民在一商場女廁中內發現有男童正在洗手，於是拍照上傳社交網站公審，怒斥「咁大個男仔仲去女廁」，不少網民留言斥責男童離譜，更著樓主報警處理。事後一名育有特殊兒童的港媽就發文，指自己亦曾帶同5歲的兒子進入女廁，但不時被旁人以言語侮辱，令她大感傷心，籲大眾能多點體諒及理解特殊兒童的需要。

該名港媽在Facebook群組「生仔要考牌系列」投稿，稱自己育有一名5歲有特殊需要的兒子，雖然生的高大，甚至較7歲的小朋友更高，但無奈言語及自理能力仍有很大落差，「要知道佢哋一件事係要花很長的時間去教，而作為媽媽的我，又擔心佢發生乜事唔識得處理，保護自己，所以我絶對無可能俾佢一個人去男廁」，結果換來一些「無知姨姨婆婆」的言語侮辱，包括「細佬你咁大仲去女廁唔醜嘅咩？」、「唔識教佢㗎，怪獸家長？」。

一名育有特殊兒童的港媽就發文，指自己亦曾帶同5歲的兒子進入女廁，但不時被旁人以言語侮辱。網圖

她又指，如果有傷殘人士專用的洗手間，都會盡量安排兒子使用，但由於傷殘人士專用的洗手間經常被人用作吸煙區，衛生情況惡劣，而馬桶亦較為高，難以讓兒子使用。對於有意見建議「同個仔去完廁所先去街」，她無奈稱「佢哋所受嘅專業訓練並唔同甚麼畫畫鋼琴班，屋企附近就有，好多時我哋要舟車勞頓先去到訓練，咁我可以點呢？」

該港媽續說，看到該名男童被公審感到心痛，「希望各位比較敏感嘅女士們，請你們高抬貴手及口，唔好惡意批評小朋友，甚至影相放上任何社交媒體。感謝你！」、「希望大家放低你嘅，『育兒專家』身份，請不要只顧批評而不去了解，你哋嘅批評，係比粗口去鬧佢哋更難聽的！」。

事件引起網民討論，不少人表示同情及理解，「樓主加油！」、「幾歲小朋友我個人就冇乜所謂，反正都入廁格閂門，乜都唔會睇到對方」、「身同感受，啲人真係小事化大」、「照顧有特殊需要嘅小朋友係好攰嘅事，仲唔易被街外人理解，加油呀！」，不過仍然有網民無情稱「用自己嘅特殊需要做擋箭牌，然後將其他人變成無知X，人哋就『必須接受及包容』你帶個男性小朋友入女洗手間，好X嘢！」、「其實，真係會覺得好尷尬的」。