【Kelly Online】黃仁龍孖囡囡做廚神最減壓分享父母與子女溝通竅門

港聞

更新時間：07:38 2019-04-06
發佈時間：08:15 2019-04-06

前律政司司長黃仁龍卸任司長一職後，究竟有咩搞作？原來他年前獲港府委任為精神健康諮詢委員會主席，做了主席一年多。他提到，目前青少年精神科門診在公立醫院經常須輪候一至兩年，是很不理想及難以接受，委員會將繼續探討如何改善。他又說已有四十所學校參與「醫教社同心協作」先導計畫，期望在校內及早識別有精神問題的學生，重視青少年健康問題。

不少父母覺得同時下八九十後好難溝通，黃仁龍出席港台節目《鏗鏘說》時就有感而發，同大家分享當中奧妙。他提到，家長要調整對待子女的心態，不要只談競爭，更要放下以往包袱，會考七科A的他又分享自己常被女兒取笑，「爸爸你唔好講你以前，完全唔相干」。他笑說自己最享受周日與女兒下廚的時光，直言「煮我個女想食嘅嘢，同佢一齊去超級市場買餸、煮飯，食得好開心，呢個係好減壓嘅方法」，仲笑言自己煮「蘑菇湯、洋蔥湯都好掂」。

被委任為相關委員會主席，黃仁龍當然有一定經歷，原來他年輕任大狀時已有探訪露宿者。他憶述以前探訪露宿者，由於對方有精神問題，打破隔膜不易，結果每次均是「畀個飯，完全幫唔到」，後來就決心「唔可以淨係派飯」，他探口風後得知某位露宿伯伯鍾意三四十年代名伶「小明星」的粵曲，最後不但打開話題，更成功協助伯伯康復治療。他說，溝通技巧往往在於同理心，直言比憐憫心更為重要。