馬明未備案唔敢享眼福劉穎金旋三點式濕身豪晒身材

頭條日報-娛樂

更新時間：04:17 2021-10-30 HKT
發佈時間：00:00 2021-10-30 HKT

馬國明、劉穎鏇（Tiffany）與劉佩玥（Moon）等，昨日齊為新劇《隱形戰隊》拍攝泳池外景，劉穎鏇以三點式上陣豪晒靚身材，事前未向女友湯洛雯「備案」的馬明，竟說自己「今日盲咗」！
馬國明昨日拍攝《隱形戰隊》時，化身汶萊貴公子，營救被糾纏的劉佩玥（Moon），他指泳裝戲只有一場。
　　問馬明是否覺得兩位女拍檔好Fit？他竟笑言：「我今日盲咗，唔可以亂講話（沒向女友湯洛雯備案？）就係冇報定案，所以我今日盲咗。平常都係佢見到叫我睇，仲會問我，唔太識捉摸，所以佢問就啞，係又盲又啞！（怕女友聽到你講其他女生？）如果你哋（傳媒）有直播，佢可能睇緊呀！」他亦不忘大賣口乖，讚女友大方，並非「醋埕」！
再三確認冇走光
　　以三點式上陣的劉穎鏇繞實馬明，除了打鬧戲更有「出水芙蓉」濕身嬉水鏡頭，養眼兼搶鏡！劉佩玥則以一件頭泳裝上陣，自言是走高貴路線。談到泳裝造型非常性感，劇中是模特兒的劉穎鏇指是劇情需要，對於拍檔陳山聰指為泳裝戲操Fit？她笑稱是為該劇加操，但不諱言是選美以來最性感一次，行出來拍照時也有點怯。工作人員亦再三為她確認沒有走光。
　　另外，江嘉敏為新劇角色犧牲一頭長髮，剪成清爽短髮，惹來部份網民嘲笑。她昨日在社交網發表自勉感言，並附上剪短髮前的靚相，有網民就錯重點，紛談論她的「事業線」。