Kelly Online:劉鳴煒自爆10歲生日收父母10萬現金日日數銀紙無買玩具

港聞

更新時間：12:20 2018-08-30 HKT
發佈時間：12:18 2018-08-30 HKT

港台圖片

大家都知青年發展委員會副主席劉鳴煒「package好」，佢接受港台節目訪問，大談父母灌輸俾佢嘅理財教育，自爆當年10歲生日，父親「大劉」劉鑾雄及母親寶詠琴，送咗一個裝有10萬元現金的公文袋，當年小小年紀的他不為所動，無花錢買玩具，佢只係差不多日日去「數銀紙」。
港台電視31昨晚播出的節目《講錢。講呢啲》訪問劉鳴煒，他透露從小在父母身上接受理財教育，6、7歲時，一早瞓醒就會看電視，抄寫股票價格，然後給父母看，因為知道這些資訊對父母來講好重要。
佢話父母灌輸的核心理財思想是「應使得使，應慳得慳」。年幼時雖是工藤靜香（木材拓哉妻子）的粉絲，曾想「𦧲」母親買工藤靜香的油畫，但最終都嫌貴無買。
劉鳴煒自爆，1990年10歲生日時，父母將100張千元紙幣，即合共10萬元現金，放入一個公文袋，當禮物送給他。呢筆錢當年已足夠買樓俾首期，對小朋友而言，可以買好多好多玩具，但劉鳴煒不為所動，頭半年都無用過筆錢，他只是差不多每日或隔日「數銀紙」，後來才與母親開聯名戶口，將該筆款項存入。他表示，當年未識投資，但已有未雨綢繆的概念。