【Kelly Online】霆鋒摩打手唧朱古力大嘥鬼靚抽：不要玩食物

港聞

更新時間：22:16 2017-12-05
發佈時間：22:12 2017-12-05

Chef Lemon謝霆鋒日前出席一晚宴時，一招摩打手唧朱古力醬「技驚四座」，片段瘋傳網絡後更吸引到黃秋生和張敬軒拍片模仿抽水，成為全城熱話，就連「大嘥鬼」都加入。
大嘥鬼在Facebook專頁貼圖，寫有「不要玩食物」的字句。貼文又補充，「話說星期五Chef Lemon向世人展示絕世秘技後，成個Social Media界都向佢偷師，希望可以學到佢一成。但係絕世秘技非一日可以練成呢，相信Chef Lemon都面對過無數失敗先可以去到今日嘅成就。所以各位朋友仔，千萬唔好人做你又做，為咗學到絕世秘技而浪費食物呀！」
還不忘引用霆鋒回應外界惡評的一句「如果咁都唔明，我就無計了。」最後hashtag仍不忘「抽到盡」，指「有網友話見到拉花中帶出少少芭蕾舞」、「眼神流露出鐵達尼」。
網民看後都笑指大嘥鬼「靚抽」，指「鬼鬼你又抽檸檬啦」、「太平洋啲水都俾你抽乾」，又有人留言「睇來得張敬軒最唔浪費，玩完都係掉落窩整熟食落肚」，引來大嘥鬼再抽水點題「親，抽定唔抽，食得曬先好抽」。