棒打全球土產魔杖王

Headlife

更新時間：04:20 2016-09-01 HKT
發佈時間：00:00 2016-09-01 HKT

香港雖為彈丸之地，卻出了不少武林高手，像上月又有一位兵器王者──土產菲律賓魔杖王李文安，憑着出色棍法，棒打全球頂尖高手，奪得男子93公斤級單棍搏擊世界冠軍，為港爭光！文、圖：Travis
菲律賓魔杖（Kali）在香港算是小眾武術，大多是因為李小龍的電影《死亡遊戲》才知道它的存在。「我覺得可能係改壞名啦（笑），人哋聽到菲律賓魔杖個名以為『好流』，都唔知係乜，但其實係一種實戰功夫，我隨手拎起遮、掃把、餐具，就連電話都可以做武器，可以應用喺唔同物件上，甚至徒手。」28歲的李文安解釋。他以往曾在美國學習巴西柔術、美式空手道，亦學過打擊技與地戰術，4年前回港遇見師傅Andy，開始接觸魔杖。
　　正如文安所言，魔杖一詞容易令人誤會，其實這只是一個技法統稱，它可運用在棍、刀、劍等各種兵器之上，更可單獨或雙手使用，做出千變萬化的攻防組合，正因其鬼魅風格與特性，故得「魔杖」之名。至於其起源雖是菲律賓本土，但由於經過百年西班牙統治及多年航海貿易，故糅合了西班牙劍擊，以及印尼、中國和日本的武術精髓。「呢種武術絕對被低估！依家唔少MMA同UFC拳手好似Pedro MunHoz、Nick Diaz都有研究魔杖，菲律賓本土以至美國特種部隊都會學，可想而知佢係幾咁好用。」文安補充。魔杖另一優點是學者並不需要擁有拳手般的體能，反而習得其技巧，只要一棍在手，無人埋到身。
喬靖夫@師叔
　　武俠小說《武道狂之詩》作者喬靖夫，起初是因為李小龍徒弟伊諾山度而對魔杖產生興趣，「以前香港無人教，直到2000年頭香港終於有師傅開班授徒，近幾年就去咗馬尼拉搵師傅Tony Diego深造。其實魔杖係一樣自由發揮嘅武學，更加可以將以前學過嘅功夫融入其中，變出一套獨特打法。」
魔杖是身體延伸
　　世界魔杖錦標賽今年已經是第14屆，賽例有點像拳擊賽事，雙方對打由資深裁判以點數定輸贏。能夠打低來自世界各地500多位頂尖高手，究竟有何妙法？「魔杖係身體一部份，亦都係延伸，距離感、閃避步法、打擊切入角度都好重要，比賽前我每日練兩、三個鐘，過程一定要對打，咁先知道不足。另一樣好重要係知道自己嘅體格特點，打出自己嘅節奏風格。」文安笑說曾因比賽時太着緊，用力過度致打斷大會幾枝棍。至於要打出變幻莫測的魔杖，極需要勤加練習，由握棍、基本招式如Angulo（由膊頭斬至腰間）、防守術Sombra（護頭擋法），以至高階進攻技Cadena Real（連消帶打技）、Boca de Lobo（隻棍旋轉格術），每每要練上千次萬次，才能如條件反射般純熟運用出來。
Kalis Brotherhood
收費：試堂免費，$150/堂、$1,500/月費（任玩）。
地址：上環德輔道中154號2樓King of the Ring
查詢：3616 6613
網址：www.kalisbrotherhood.com