模媽變導師教港女做Model Ana R.趙嘉懿慨歎阿媽唔易做
發佈時間:00:00 2016-05-13
![■Ana R.與Carrie Chiu同認為做媽咪係人生最大嘅挑戰。](https://image.hkhl.hk/f/1024p0/0x0/100/none/ab7b89165bf579d76a898e02891f4617/images/453018wnep114p01a.jpg)
模媽Ana R.及趙嘉懿(Carrie Chiu)為「Charming Model One模特兒課程」擔任星級導師,分享經驗及親授專業模特兒技巧。轉眼間Ana R.的囡囡Maya Garland經已5個月大,為回歸工作,「緊張媽咪」Ana R.自爆被迫停餵人奶,唔使咁困身,在旁兩子之母Carrie感同身受,點頭強調作為母親壓力真係好大。
今次擔任模特兒星級導師,Ana R.及趙嘉懿否認係轉型,Ana R.說:「我哋只係嘗試唔同範疇嘅工作,相比之下,最大挑戰嘅工作係做媽咪,因為每日有唔同嘅事情發生,起居飲食都要照顧周到,每分每秒都不能鬆懈,壓力好大,搞到自己成個喪屍咁!」
Ana R.自爆曾因為幫囡囡剪指甲剪到流血嚇到尖叫,連老公都被嚇親不知所措;去餐廳食飯因為冇育嬰室,喺梳化換片搞到雞手鴨腳,一手都係屎,最狼狽係Maya食完Baby Food後屎屎變得特別大O舊,為宣洩負能量情緒,Ana R.會躲在洗手間放聲嚎哭,有時就透過媽咪群組同素未謀面嘅媽咪傾吓,甚至帶囡囡參加Playgroup見人來紓壓:「老公都知我壓力大,不過佢要返工幫唔到手。」
Ana R.投訴老公
Carrie坦言做新手媽媽時都有過類似經歷,所以好明白Ana R.嘅困擾:「同6歲大仔Marcus(黃泓智)一齊成長,成個人都變得勇敢,O依家湊埋兩歲細女Gabrielle都可以得心應手,完全喺掌握之內,我唔會做怪獸家長,會隨住仔女嘅性格去發展佢哋嘅潛能,絕對唔使為讀名校而入名校!」Ana R.啱啱停餵人奶回復「自由身」,工作時更加方便,她說:「因為每隔三個鐘頭就要泵一次奶好唔方便,其實最初都諗住只係餵半年人奶。」
採訪:方騫平 攝影:李維隆 服裝︰maje、Tela 場地︰Partyland