眼鏡事業成功發圍 黎芷珊幕前不言休
更新時間:04:12 2015-10-19
發佈時間:00:00 2015-10-19
發佈時間:00:00 2015-10-19
黎芷珊年初開始從商開設自家品牌「Luisa Leitao」,設計太陽眼鏡由網上到眼鏡專門店寄賣,更安排產品在歐美時裝周展出,有機打開歐美巿場,事業一步一步擴展令她相當興奮,雖然生意愈做愈好,但芷珊未有打算退出幕前,反而正計劃明年開新節目,繼續跟一班巨星打交道。撰文:杜淑霞 攝影:謝子豫 場地:溥儀眼鏡
向來貪靚愛打扮的芷珊,一直很想投資有關時裝的生意,年初終夢想成真,先由網上出發,幾個月已漸見成績,最近太陽眼鏡已成功在專門店「溥儀眼鏡」寄賣,「好開心老闆咁幫手,仲將我品牌啲眼鏡放喺舖頭好當眼位置。」
時裝周展出
產品進駐專門店外,芷珊還計劃向世界出發,安排太陽眼鏡在時裝周展出,「雖然我地品牌喺網上有得賣,但係都要推廣等多啲人認識,所以啱啱搵人搭到路,先喺巴黎時裝周嘅展銷會O個度擺檔,希望推介畀多啲行內人認識,始終時裝周係最集中,可惜我O個段時間行唔開,要下次先可以親自去。」
繼太陽眼鏡後,下年芷珊的品牌會推出埋飾物,到時她將會有排忙,但她講明不會因而放棄幕前演出,「反而藝人身份有助我發展品牌,況且我仲好享受主持工作,暫時時間都可以分配到,真係冇諗過唔做幕前,我仲計劃緊下年搞個新節目O添(透露吓?)仲度緊賣吓關子先啦!總之一定係明星啦!」
最Hit
深圳陳鵬鵬潮汕菜攻港訂4大服務承諾 「衝擊」香港飲食業 網民嘲:本地食肆一定做不到
2024-04-29 17:49
佘詩曼「細佬」送別亡父!骨灰撒紀念花園 家境富裕曾對爸爸再娶曾有恨意
2024-04-29 18:00
中$80萬六合彩二獎 幸運兒傳授落注心得 現身講6個字感受|Juicy叮
2024-04-28 09:04