錢國偉大讚︰超級Nice 真假PSY兩度合作

頭條日報-娛樂

更新時間：19:04 2015-06-19
發佈時間：00:00 2013-10-04

       韓國鳥叔PSY昨日（3日）來港為代言的韓國耳筒在文化中心對開空地拍廣告，品牌更搵來「港版PSY」錢國偉（Wilson）做導演，PSY夥同10位中外models跳住舞輕鬆拍攝，專業的他兩Take搞掂快靚正。PSY見到Fans全無架子，微笑揮手，曾和PSY兩度合作的Wilson就大讚他：「好Friendly又超級nice。」採訪︰李權威
      昨日文化中心對開空地非常熱鬧，因有韓國天王親臨拍廣告，通告原訂於下午四時開始拍攝，但PSY十分專業，未夠兩點已抵達現場，令廣告可以提早拍攝。現場所見，正式拍攝時PSY戴上耳筒在models面前扭動身體，跟隨節拍跳舞，然後走近一外籍女模，並出手輕撫女模面頰，最後PSY走到鏡頭前說了幾句宣傳英語便完成，簡單輕鬆，兩Take搞掂。
      10位中外Models當中，其中兩位本地薑是由品牌經網上公開招募選出來，參選人須自拍短片自薦，結果爆乳超蓮鍾采羲（Iris）師妹Asa（關莉莎）有幸參與拍攝。PSY雖然無做訪問，但臨上車離開時，主動望向記者揮手，盡顯親民作風。
      早到兩個鐘
      事後Wilson大讚PSY好專業：「上次澳門合作後，今次第二次合作，品牌邀請PSY做代言人後，知道來港拍攝就搵我做導演（酬勞如何？）嘩！佢梗係8位數字啦！而我有幸同國際巨星合作，價錢幾多都無所謂。（二人好似樣！）我有問佢，佢笑笑口，但我唔敢高攀。PSY全無架子，一嚟到同我打招呼，有講有笑，好Friendly又超級nice。今晚約佢一齊食飯㗎！不過唔知佢有無時間出席。」