星8卦丨「家姐」姣媾裙腳仔連生兩個得米避開「勢利老竇」自保

更新時間：10:30 2023-03-24
發佈時間：10:30 2023-03-24

「家姐」終於守得雲開，最近仲好高調公開自己正印嘅身份，雖然生埋小朋友嘅佢都冇諗過可以公開，因為佢有個超級難搞嘅奶奶。奶奶一向做人眼角生喺額頭，都怪佢有條旺夫命，自從「書生」娶咗佢入門，家運一路向好，之前啲生意始終差一步，奶奶做咗自己人之後就開始事事順暢，當然奶奶都有生意頭腦，頻頻幫「書生」見客，做咗定海神針，所以咁多年佢都縱到奶奶目中無人，生意做得大，伙計用得多，自然就囂張。

「家姐」有個好勢利嘅老竇，初時有錢，後嚟破咗產，但好日子放唔低，成日想做番有錢人，於是將未夠秤嘅妹妹帶喺身邊，成日出嚟搵老闆，妹妹最後跟咗個叔叔，見到佢每次出嚟都滿眶眼淚，慘過死老竇，睇嚟叔叔都唔係人咁品，令妹妹自尊受辱。

「家姐」其實都係博一鋪，二話不說就三年抱兩，趁自己仲後生，奶奶無理由連孫都唔認啩，果然俾佢博到，加埋老爺同「書生」，奶奶即使嫌親家出身唔好，但睇在兩個孫仔份上，拖咗幾年都畀佢入門，但條件講明唔准佢老竇多事，亦唔可以有金錢上轇轕。「家姐」難得入到個好門口，唔駛奶奶講都會用技巧防親生老竇啦！

【相關文章】：

星8卦丨「男歌手」食仔被老婆發現離婚放縱繼續男女通殺專搞助手

星8卦丨「阿寶」有大水喉射住鍾意袋現金周圍派

星8卦丨「細眼」搶阿姐工作捱鬧犯眾憎被迫收皮

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，WhatsApp 91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ