星8卦丨「男歌手」食仔被老婆發現離婚 放縱繼續男女通殺專搞助手

更新時間:10:00 2023-03-21
發佈時間:10:00 2023-03-21

幾時都話人不可以貌相,咪睇「男歌手」一早成家立室,多年嚟都好似係好老公、好老豆,如果唔係利用埋自己離婚嚟谷飛,大家都唔會開始注意這位仁兄嘅德行。

「男歌手」原來有鋪食助手癮,咁多年身邊啲助手有番咁上下色相,做唔做到嘢唔係人人知,但最緊要胸大同夠姣,好多時都靠呢啲姐姐出去幫佢搵福利。

其實呢份福利都有佢哋份,好似有次出埠,通常坐商務位只有經理人同藝人兩位,但「男歌手」就讓畀比靚女助手坐商務,自己就坐經濟客位,主辦商聽完又點會畀呢個情況發生,咪貼多啲錢,畀佢同助手一齊坐商務,但心裏面就媽媽聲,數臭佢哋呢條Team囉。

不過最離譜係後嚟畀老婆發現,佢係個男又食女又食嘅濫交之人,無意中見到佢同一個好後生又高大又靚仔嘅工作人員錫錫,原來兩個人搞埋一堆已經成半年,老婆平時忍佢食助手都算,一來民族性比較忍得,二來有兩個小朋友,諗住隻眼開隻眼閉行埋條夫妻路,但今次畀佢知道連仔都食,就真係忍無可忍,離家出走仲主動提出離錯,所以大家對佢做番單身漢都有啲突然。

「男歌手」有帶貨能力,咪睇佢表面又霉又燶,但原來佢有唔錯嘅搵錢方法,絕對養得起公司同屋企人,於是你就會明白點解佢身邊有3、4個助手,當然有啲係佢想食嘅咪請嚟幫自己,方便食得就手,仲要有男有女,全部都要由「男歌手」親自揀蟀,公司搵到錢,佢又開心,一家便宜兩家着嘛!

 

【相關文章】:

星8卦丨「阿寶」有大水喉射住 鍾意袋現金周圍派

星8卦丨「細眼」搶阿姐工作捱鬧犯眾憎被迫收皮

星8卦|「威哥」充闊佬個個月送老婆限量包包  自己慳家特賣場執平貨

 

 

《星島申訴王》於3月1日隆重登場,節目為民請命抱不平、追蹤城中熱話,亦會搜羅溫情小故事。你申訴,我跟進,WhatsApp 91999933,《星島申訴王》隨時候命!
立即報料:https://bit.ly/3IMunqd
你的獨家報料一旦被採用及報導,將獲得乙份獎品。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ