張致恒老婆雯雯多次呻窮感內疚 終圓夢湊仔遊主題樂園唔見老公大仔
發佈時間：21:30 2022-11-30
張致恒（Steven）過去因桃色新聞及欠債而形象插水，2019年與女歌迷區燕雯（雯雯）奉子成婚後，三年來先後誕下三個囝囝。張致恒看似修心養性想做個好爸爸、好老公，卻不被外界看好；而雯雯亦時於IG大呻家中的財務問題、與老公有分歧及被逼遷等。今年8月雯雯在IG玩「你問我答」，被問到生日願望時，她表示：「好想可以喺冇人責罵情況下，帶佢哋去迪士尼同海洋公園，呢樣係我覺得最對唔住佢哋，咩童年都畀唔到。」對於未能給予三個仔仔富裕的童年生活，感到相當自責。
【點擊睇張致恆老婆湊仔遊樂園】：
相隔3個月，雯雯終於圓夢！她今日（30日）凌晨在社交網貼出身在迪士尼樂園照片，留言表示是2022第一棟聖樹。相中見到兩歲二仔天牧坐在BB車上，而她則孭住約6個月大的細仔天朗，不過相中似乎未見已入讀幼稚園的3歲大仔天寶和老公張致恆。三人站在樂園大街的聖誕樹前合照，天牧在車上手指指，而雯雯則望住囝囝。
張致恒2019年7月突然宣佈與粉絲雯雯訂婚，而且已誕下大仔，並在同年9月結婚。當時張致恒被爆「一腳踏五船」兼向同公司藝人借錢，形象瞬間插水。之後張致恒再被𡃁模Naomi欠債不還，卻有錢搬大屋、請工人、養狗及買新電器。去年兩人大仔考幼稚園，Steven在IG大鬧遭幼稚園校長歧視，雯雯在網上列出18點反擊：「我個仔爸爸唔係殺人犯，佢只係犯咗10個有9個男人會犯嘅錯。」到今年1月雯雯在IG單方面宣佈離婚，後來張致恒箍煲成功，相隔不夠一個月，雯雯更宣佈陀第三胎。上周三雯雯在在IG限時動態大呻為兒子找學校的問題：「最近幫兩個仔搵學校，搵到好絕望，大家都面試到好攰。」
【其他閱讀】：
57歲曾華倩久未露面再現身 滿臉通紅身形消瘦打扮樸素依然有氣質
嚴選《愛回家》7位最索人妻！一姐演員飛甩渣男遇真愛 甜美秘書低調嫁人
吳君如中門大開賀陳可辛「登六」 賓客陣容超誇張 邱淑貞4母女激罕同場
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
