50歲陳慧琳驚喜現身酒吧與歌迷唱K 白襪襯百褶短裙學生妹look零違和感
發佈時間：12:30 2022-11-27
今年50歲的陳慧琳近年養尊處優過湊仔生活，上月中宣佈會全面復工，早前她在新加坡音樂節演出大獲好評，狀態大勇，不少歌迷都希望她盡快開騷。雖然陳慧琳貴為天后，但她向來親民貼地，每次見到粉絲都會大方打招呼合照，最近網上更流出一段她在酒吧與路人粉絲合唱《紀念日》的片段。
【點擊睇陳慧琳酒吧同歌迷合唱】：
有幸在酒吧與陳慧琳合唱的網民，在fb貼出合唱片段，留言說：「是咁的，噚晚食完飯抽完獎去酒吧搵朋友，見大家靜靜地我就揀首經典合唱歌《紀念日》，睇下有冇人一齊唱。當我唱完一段副歌，正在惆悵冇女聲合唱的時候，忽然間聽到有人話『等我嚟』，頭都未轉得切，已經聽到有一把悅耳的聲音在左邊唱到同伴唱一樣，當我猶豫地轉個頭望過去睇下邊個咁夠膽挑戰我偶像……原來就係佢本人 ——陳慧琳！簡直不能相信，超級夢幻。值得紀念的紀念日！」還hashtag「幾時再有得睇你演唱會」，看來是陳慧琳的真粉絲！
片中見到陳慧琳着上牛仔褸搭短身百褶裙，配上高筒白襪加白黑皮鞋，打扮年輕青春，但年屆50歲的她依然毫無違和感，亦盡展她的高䠷身材。她一出場即引來全場目光，紛紛拿出手機拍攝，氣份high爆似開小型演唱會。有幸與偶像合唱的歌迷在間奏期間笑說：「聖誕禮物。」陳慧琳也回說：「Merry Christmas！」雖然酒吧音響不如表演場地，但陳慧琳依然表現極好，高音準低音甜，就如開了卡拉OK伴唱一樣，唱完後她還笑說：「諗唔到你哋識呢首歌。」其他網民紛紛留言表示羨慕，片段亦流出至其他社交網，網民笑說：「分不清是現在還是20年前。」更有網民指Kelly老公也在現場。
【其他閱讀】：
盤點TVB 10大170cm以上高妹 劉穎鏇身高176亦只排第二
48歲蔡少芬素顏出遊零皺紋飄少女味 一家五口搬返香港遊山玩水
林子博移英一年三遷愈住愈富貴 由公寓變住超豪大屋 景緻遠超香港豪宅
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
