美麗戰場|蔣家旻憶述拍強姦一幕全身泛紅青筋暴現:情緒好辛苦拍完用被冚住自己

更新時間:11:00 2022-10-22
發佈時間:11:00 2022-10-22

TVB台慶劇《美麗戰場》早前播出第14集,由陳瀅被李成昌強姦變成蔣家旻被姦的畫面,不少網民睇完見到都話奸人害人終害己,個個都大叫過癮,成為逃犯着草去台灣的蔣家旻更加成為焦點,大家都好想知道,這個奸人最終的下場如何!但蔣家旻早前接受《星島頭條》訪問,憶述拍攝當日細節,回想起當日情緒都表示相當辛苦。

【相關閱讀】:

美麗戰場|蔣家旻反被強姦後有人死 遭伸手入裙底吻胸黑bra露出被施暴

美麗戰場丨林盛斌飾寸爆富商一take過搞喊觀眾  與劉佩玥組最甜CP風頭勁過男主角

【點擊重溫蔣家旻被姦過程】:

這場歷時2分鐘的強姦戲,以電視尺度來說,畫面相當震憾,蔣家旻坦言拍這場戲一點「唔易拍」:「喺觀眾角度覺得琪琪係好抵死,害人終害己,呢個真係佢嘅報應,我自己睇完都好滿意,亦都係預期自己嘅效果,其實嗰一日拍嘅戲係好辛苦,除咗有強姦戲之外,之後仲有場殺人嘅戲,全日嗰個情緒係好大壓力,我喺前一晚已經好大壓力,所以我覺得自己係超額完成。」蔣家旻續說:「雖然大家所睇嘅只係幾分鐘,因為尺度關係剪咗部份戲份,所以睇落唔係咁激,但係被強姦嗰場戲係要嗌破喉嚨,導演要求係要我嗌到隔離房都聽到我不停嗌救命,所以我塊面、條頸同手爆紅又露晒青筋。」

她又稱自己當時喊到偏頭痛:「對我嚟係好大鑊,食藥都止唔到痛,一定要瞓覺,嗰日情緒係好辛苦,好難平伏,平時我因為養生唔飲汽水,但係我偏頭痛到要飲一杯汽水, 之後先有足夠嘅糖份去應付跟住嘅戲。」不過最重要的,當然是有一個好的對手:「昌哥(李成昌)好好,係一個好好嘅對手同前輩,每拍完一個身體接觸嘅場面,全部喺拍之前溝通好,會講明會錫我同摸我邊度,所以拍嗰陣一啲都冇覺得唔舒服嘅感覺,而且工作人員同導演好好,只係留啲要拍嘢嘅工作人員,其他人會清場,服裝嘅女同事喺每次拍完又會拎張被幫我冚住,變咗拍攝過程好順利,只不過係要投入角色同演繹嗰種淒慘痛苦嘅感覺,當正自己係畀人強姦。」

「觀眾應該有機會見番琪琪」

過完第一關之後,又再應付浴室戲的考驗:「浴室嗰戲好難拍,情緒係真係好複雜,靠自己做完再睇play back,加埋導演引導再試多幾take,真係好大壓力,情緒係好痛苦,演戲係將最真實嘅演出呈現出嚟,但係作為演員唔代表喺真實生活每一樣嘢都發生過,我又冇俾人強姦過,又冇憎恨到要殺一個人,呢啲要好靠自己,除咗培養情緒之外,我拍之前都有上網睇吓啲關於強姦嘅新聞,感受吓嗰種淒慘,再代入角色去演繹。」再問會否覺得比《踩過界》的SM戲更加激?她說:「唔可以同《踩過界》比較,嗰個效果係有一種恐怖嘅感覺,加咗好多SM嘅場面,有一啲好真實嘅場面,都辛苦,俾許家傑將個頭浸落水,我本人係好怕水,所以對我嚟講係兩種辛苦。」

昨晚劇情講到琪琪將要「着草」去台灣,臨行前她再三表示會找阿寶報復,笑問之後出現會否更加恐怖?蔣家旻笑說:「我唔可以劇透太多,觀眾應該有機會會見番琪琪出嚟,不過暫時大家可以短暫休息吓,擺喺其他演員身上,最後一個星期係好好睇,將戰場擺喺上流社會,大家會睇到阿寶黑化。大家睇得好投入,好憎琪琪呢個角色,但係又好想睇吓佢之後係點,見到佢有咁嘅下場,又覺得佢係抵死,抵死之餘又想睇佢出現番,所以我都好多謝觀眾睇得咁投入,對呢個角色又愛又恨,當我仲有好多不足之處,但係我可以好有自信咁同所有人講,呢個角色係超越咗我自己。」

【其他閱讀】

鄭裕玲確認離巢TVB 效力44年早已想「唔續約」:3年疫情有改變

李家鼎細仔李泳豪宣布結婚娶台灣嬌妻  鼎爺爆家嫂秘聞:有潔癖

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ