美麗戰場丨林盛斌飾寸爆富商一take過搞喊觀眾 與劉佩玥組最甜CP風頭勁過男主角
發佈時間：14:30 2022-10-19
台慶劇《美麗戰場》目前正在熱播中，故事人物的鬥爭越鬥越激烈，昨晚第十二集雖然有陳瀅和蔣家旻選美惡鬥場口，不過依然有甜蜜又輕鬆的畫面，皆因富二代龐振宇（方力申飾）及惡霸富商徐富貴（林盛斌飾）先後對心儀對象出招！徐富貴以「訪問」為由接近靜兒（劉佩玥飾），並一度欲以二千萬籌碼打賞欲打動靜兒芳心，豈料靜兒不為所動，之後徐富貴捨棄銀彈戰術，帶靜兒重遊舊地侃侃而談奮鬥及發跡史，自爆為生活更連垃圾也倒過，一直咬緊牙關至25歲才開了人生第一間金舖！在捱窮歲月，徐富貴還遇上好心老闆不斷請食免費餐捱過難關，數年前發覺對方死了才發現飯錢可以還清，但人情卻還不清！
【相關閱讀】
美麗戰場｜丁子朗真摑陳曉華內幕曝光！Cut機後失控爆喊 有人留恐怖血痕
美麗戰場｜蔣家旻怒摑前輩樊奕敏當堂飆眼水 打到啪啪聲雙眼通紅演技驚人
【點擊睇bob一take過搞喊觀眾】：
看到阿 Bob 強忍眼淚扮作堅強訴說往事及人生哲理，雖然沒有激動爆喊，但依然相當感人，有網民留言直稱想不到搞笑的阿Bob原來還有煽情一面，後來紛紛在他的社交平台留言，甚至有人將阿Bob與阿Moon 封二人為「全劇最好睇 CP」，希望二人多點出場！
對於觀眾的支持，阿Bob接受訪問時先是感謝大家的喜愛及支持，並坦言徐富貴角色對他來說有難度：「一時好癲、一時好沙塵，但突然又會好暖男，葉念琛都有教我點處理，同埋多謝阿 Moon，佢喺現場畀咗好多安全感同信心我，Feel 到大家都係演緊個角
色。」他又說：「噚晚收到好多Message，有人Send啲片嚟話佢老公睇到喊，又話成家人一齊喊。我可以預告徐富貴去到後期暖男行動係會升級嘅。」 談到感人食飯場口，阿 Bob坦言要感謝葉念琛：「拍完一take佢就收貨，佢話現場睇都覺得我做得幾好喎，仲話：『不枉我畀機會你』。」
Bob在2003年加入新城電台節目部之前是擔任營業部Sales，為了興趣，放棄豐厚收入轉戰節目部並由最低做起，他曾經在節目《360秒人生課堂》上講過，最初換來的不單是廣告商的冷眼，就是遭人嫌棄，試過有唱片公司的宣傳人員帶新入行的歌手「行台」，不止未有上前作介紹，更以「呢個唔使識，呢個廢架」來形容自己，之後阿Bob因為有份主持的《新香蕉俱樂部》成為當年最高收聽率的電台節目之一，獲得電視台及電影公司賞識，得到不少演出機會。Bob坦言要感激當年看不起他的人：「有冇試過畀人睇唔起？好好記住嗰個畫面、嗰個嘴臉、嗰句說話、嗰個感覺，因為呢啲嘢全部都係將你推向成功嘅燃料。對待睇死你嘅人，最大嘅報復就係畀佢哋見到你不斷進步、不斷邁向成功。如果因為人哋幾句說話冇晒鬥志，你好渣，唔好做一個咁渣嘅人。」
他亦有提到入行後最多人叫他花名就是「龜頭Bob」，對於這稱號一點都不介意：「你哋覺得似唔似？其實我覺得係幾似。以前我淨係得個頭，依家我升咗級、有埋個身，叫做龜公Bob，人哋點話你唔使在意，你只要知道自己做緊乜、係邊個就得。我好知我自己係邊個，我叫阿Bob，『The Best of The Best』。」
近年Bob還試過充當媒人，撮合好友的姻緣，當中包括朱慧敏與心臟科專科醫生陳良貴，張秀文與金融才俊王大權（Billy）結婚，Bob坦言不會亂介紹︰「唔係想識邊個我就介紹畀你，只係想我身邊嘅人開心，如果我覺得我可以喺你愛情，或者家庭呢個成績表入面幫你提升到嘅，可以令到你進步，咁我覺得都係一個幾大嘅恩德。」
【其他閱讀】
譚凱琪激罕晒「餅印女」正面合照 撰長文語重心長為在職媽媽打氣
薛芷倫晒近億元赤柱豪宅走超豪宮廷風 私家卡拉OK房可容納逾廿人
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
