麥明詩老公盛勁為被外父公開催生B 玩「你問我答」被追問男性器官長度高EQ以9個字回應

更新時間：16:00 2024-04-25
發佈時間：16:00 2024-04-25

「十優港姐」麥明詩（Louisa）與飛機師盛勁為（Keith）在上月正式成為夫婦，當時兩人的婚禮搞足三場。雖然麥明詩和盛勁為結婚只有一個月，不過兩人已經相當齊心，繼麥明詩以「唧牙膏式」在社交平台連環分享婚禮點滴及花絮照後，盛勁為今日（25日）在限時動態玩「你問我答」，零界限任問唔嬲！

盛勁為「你問我答」零界限任問唔嬲？

新婚人夫盛勁為日前在IG貼上與朋友飯局的相片並說：「慶功！食生蠔！終於過晒一系列考驗，Fleet conversion、annual check、結婚、upgrade check四個月內completed all，人嘅潛能真係逼出嚟！」不過轉個外父委派另一項任務：「Next challenge：生仔。」盛勁為忍不住說：「真正考驗才剛剛開始…」其後盛勁為再PO了多張結婚相片，其中包括姊妹之一的馮盈盈為麥爸爸慶祝生日，還有兩人切蛋糕的相片。

盛勁為與網民玩「你問我答」

接着盛勁為與網民玩「你問我答」，有問：「幾時生小朋友？」盛勁為指自己做人很隨緣、佛系。又有網民問相識經過，盛勁為貼出兩人在FB為朋友的截圖，原來兩人早在2013年1月已在社交網上結緣。已經重返機師行列的盛敬為，被網民問經常飛來飛去，會否很掛住老婆，盛勁為大方地說：「會呀，但有時被迫走幾日，小別勝新婚都幾好，forever fresh！」後來又有問何解以往是「不婚主義」？盛勁為說：「因為唔夠錢......我覺得喺呢個世代無父幹嘅年輕一輩係好難自立，莫講話成家立室，就算有份好工但要養成村人都係搞唔掂，與其咁勉強，不如自己一個輕鬆自在，唔好累人。」後來亦有人問有否過大禮？盛勁為隨即貼上多張過大禮的相片並說：「傳統禮節都有做下，始終家長都係在意，不過都冇大搞。Btw唔到結婚，我都唔知圍村習俗有『派門頭』呢件事。」

麥明詩盛勁為搞三場婚禮：

盛勁為高EQ地回覆癡漢朋友發問

不過最搞笑是有人公開問盛勁為男性器官的長度，盛勁為高EQ地說：「有位癡漢朋友發問，我應該答真話定假話？」曾經因為疫情一度失業的盛勁為，一度短暫轉行成為TVB藝員，不過疫情結束後，盛勁為重操故業，有人問到如何在艱難時刻保持樂觀情緒，盛勁為說苦：「諗咗一陣……我自己個答案係：人生本來就係苦，世界都是殘酷的，唔好將所有野諗得太美好，hardtime 係正常的，good time只係好彩，最後只係有粒糖俾到你已經好容易開心滿足。」

其他文章：

麥明詩為「唧牙膏式」貼婚照致歉：要Po多X日忍忍 4字親回網民擔心冇時間洞房

麥明詩唧牙膏式貼結婚相激嬲網民！再晒大紅高衩裙襯金器送客相驚見溫拿成員

麥明詩盛勁為結婚丨麥明詩親解搞三場婚禮原因自爆完事瞓足一星期先復原

麥明詩結婚穿美牌Deep V婚紗索價X萬盛勁為開工順便「度蜜月」？

---------------------------------

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow