將軍澳最佳北上方式？跨境直通巴最舒服但有1缺點街坊教路1招最平$21到皇崗口岸

更新時間：14:45 2026-10-14 HKT
發佈時間：14:45 2026-10-14 HKT

近年深圳成為港人假日好去處，各區人士都希望尋找到最快、最舒適的「北上路線」。新皇崗口岸於10月12日正式啟用，並設多條專營巴士、小巴線直達，惟有將軍澳街坊在網上發文大嘆「冇我哋（將軍澳區）份」，好奇同區街坊最常選用哪個口岸北上。帖文隨即引起熱烈討論，有街坊分享性價比最高的轉乘方式，也有人偏向無需轉車、一程直達的直通巴士路線，即看下文！

將軍澳街坊熱議最佳北上方式！跨境直通巴最舒服？網民提1缺點……

日前，有將軍澳街坊在社交平台發文，無奈感嘆重建完成的新皇崗口岸開辦多條全新巴士專線，惟未有直達將軍澳區的路線，於是向街坊集思廣益將軍澳區的最佳北上方式：「將軍澳友最常用邊個關口北上？」。樓主坦言，以往北上多以羅湖口岸為主，但現時已改為選用「深圳灣口岸」。他解釋，雖然經深圳灣過關車費會稍貴，但勝在可以乘搭跨境直通巴士，一路上無需轉車及搬行李，坐得舒服且車程極快，相當方便。

對於由將軍澳出發前往深圳的交通方式，有區內居民表示認同樓主的看法，力撐深圳灣或蓮塘口岸的直通巴士服務。有街坊指出，由坑口東港城或將軍澳站出發，均有直達深圳灣口岸的跨境巴士。雖然單程票價達$50至$60，但認為性價比較高：「每次返去都係去深圳灣過，一程大巴喺坑口上，又唔使轉嚟轉去。起碼唔使轉車轉到頭暈！」此外，目前環島中港通開辦往返「將軍澳新都城至蓮塘口岸」的直通巴線，單程$40，適合會到蓮塘、東門等的居民。不過有街坊溫馨提示，直通巴雖然舒服，但「天晉下面直通巴去深圳灣，區內都坐成半個鐘先出到觀塘」，在將軍澳區內繞路略花時間。

將軍澳北上最平$21？街坊教路最抵轉乘大法

除了直通巴，有網民指如預算有限且時間充裕，可以選擇先乘搭城巴793號線至宋皇臺站，再免費轉乘城巴全新皇崗口岸專線B14線，兩程合共只需$20.8即可直達皇崗口岸；亦有網民支持最穩陣的港鐵路線，「最順是798（巴士）去沙田轉火車（東鐵綫往羅湖/落馬洲）」或「港鐵落apm（觀塘）轉旅遊巴」，雖然需要多轉幾程車，但容易預計時間，各適其適。

此外，有理性網民指出選擇口岸並非取決於起點，而是取決於北上的目的地：「邊個關口上，係視乎你去邊一區，唔通你去南山、去寶安，都係蓮塘過關咩？緊係深圳灣啦！」

文：LW