沙田早晨│「喜尊龍」阿民副練傾良久
更新時間:15:57 2026-11-19 HKT
發佈時間:15:57 2026-11-19 HKT
發佈時間:15:57 2026-11-19 HKT
「喜尊龍」確認出戰三班佔到優勢,上仗縱使轉戰泥地亦上名,今次更跑番強項千四,班利、路合、馬勇有利條件盡集一身。更特別是好開依然改動配備,將會戴上面箍,效果如何要跑過至知,但只看今朝奧爾民為牠出試,課後同副練傾到雞啄唔斷,動靜非常吸引。
老蔡跟住一對馬返倉
蔡約翰攻勢凌厲,剛戰憑「福星小子」爆大冷,對上四戰均取得進帳,今次出馬既多又惡,跟紅頂白追得。尤其「絲王之王」同「錶之光速」要加倍留意,今朝一齊到大圈出跳,當時老蔡一貫緊張,既全神貫注睇實,課後踩單車趕返睇馬,之後更跟住佢哋返馬房。
「星月峰雲」在內圈出試後,韋達趕到大閘口等馬,同樣表現緊張。
「星月峰雲」韋達畀貼士
「星月峰雲」十月廿四日驗出心律不正後退出,睇番操練紀錄並無大礙,缺課兩日已復課,之後一直例課無缺,包括試閘交出好走勢。更有睇頭是韋達先後已親身試了四課,動態空前積極,今朝佢並未親試,不過「星月峰雲」在內圈出試後,佢趕到大閘口等馬,同樣表現緊張。
「美麗同享」告仔反常態
告東尼今季較遲起步,然而有的是功力及兵力,手風轉順立即頻頻交出頭馬。今戰牌面馬雖不多,不過相對地分頭不俗,具博彩之道當不可錯過,佼佼者有「美麗同享」,除了老當益壯戰力未減,今朝出跳後告仔接馬之餘,更罕見地向鞍上人追問,充滿了搏殺動靜。
最Hit
再就業津貼最後召集|限期前拎足$20,000!40歲以上全職兼職皆有份 明年7月完結即睇申請資格
2026-11-18 15:45 HKT
撳錯即中招!「我不是機器人」淪新型釣魚陷阱 網民險被盜密碼+個人資料 小心網頁這些特徵...
2026-11-18 15:26 HKT
羅霖餅印長子高大帥氣 精緻五官遺傳亞姐冠軍神基因 港大碩士英俊外貌網民讚可原地出道
2026-11-18 08:00 HKT
八達通換卡|再有3組編號舊卡到期 用戶轉移手機八達通即享$150著數
2026-11-18 15:03 HKT

















