沙田早晨│甘敏斯重視兩駒

更新時間:15:40 2026-11-16 HKT
發佈時間:15:40 2026-11-16 HKT

好多練馬師飛到外地購馬,甘敏斯則留港督操,特別在今朝「靖哥哥」未夠五點已經出跳,但當時未見練者走出烽火台或機坪;直至五點二十分,輪到「江江彩彩」同「威武凱旋」拍跳,練者即現身督操,並跟實呢對馬出入,擺明對兩駒高度重視。

梁家俊鍾情心中之星

「心中之星」今朝課後梁家俊多次拍馬頸鼓勵,之後詳細向副練匯報一切。
「心中之星」今朝課後梁家俊多次拍馬頸鼓勵,之後詳細向副練匯報一切。

梁家俊剛戰憑「小吉」贏馬打破悶局,爭取國際騎師錦標賽入場券仍未絕望;目標當前,自然要繼續落力操馬。今朝家俊五點半已經出現,全朝馬上馬落為多駒出試,當中以第二匹出跳馬「心中之星」最具睇頭,課後家俊不但多次拍馬頸鼓勵,之後仲詳細向副練匯報一切,甚為肉緊。

奧爾民試黎廄雙雄

今朝奧爾民為「馬馳登」及「多利勝駒」出試前均檢視配備,操後就同副練傾談良久。
今朝奧爾民為「馬馳登」及「多利勝駒」出試前均檢視配備,操後就同副練傾談良久。

奧爾民今朝五點五十分到場,一露面即試兩匹黎廄馬,先試「馬馳登」,接住跳「多利勝駒」,阿民全程小心翼翼,為兩駒出試前均檢視配備,操後就同副練傾談良久。另外一提,賽事在周三上演,黎廄戰馬多數在周日試跑,上述兩駒卻於今朝出跳,似有意遷就阿民。

蔡約翰吼實福星小子

 「福星小子」今朝出跳時蔡約翰全神貫注睇實,課後更踩單車趕去隧道口再睇馬。
「福星小子」今朝出跳時蔡約翰全神貫注睇實,課後更踩單車趕去隧道口再睇馬。

蔡約翰攻勢全面展開,對上三次賽事均取得進帳,今次出馬五匹自然要吼實,尤其係「福星小子」要加倍留意。今朝「福星小子」一早到大圈出跳,試來墜手起勁火氣充裕,觀感比之前兩仗好得多,至於練者就一貫緊張,出跳時全神貫注睇實,課後踩單車趕去隧道口再睇馬。

羅廄兩駒動靜多多

今朝「越駿齊歡」同「路路勁」出跳時,羅富全走上烽火台頂樓督操。
今朝「越駿齊歡」同「路路勁」出跳時,羅富全走上烽火台頂樓督操。

羅富全是今朝少有露面的練馬師,一如既往全朝忙個不停,多次進出馬房、烽火台及機坪三地,去到六點十分更顯得份外肉緊,當時蔡明紹和潘明輝分別為「越駿齊歡」同「路路勁」出跳,全哥先係走上烽火台頂樓督操,之後匆匆到機坪接馬,繼而捉住紹仔、小潘傾談。

韋達緊張龍城上將

「龍城上將」今朝出跳時韋達留守行政大樓斜路監察走勢,接住更跟實此駒返入馬房。
「龍城上將」今朝出跳時韋達留守行政大樓斜路監察走勢,接住更跟實此駒返入馬房。

要數今次最積極馬房之一,韋達必定榜上有名,出馬多達七匹,包括「龍城」孖寶;今朝「龍城上將」出跳更一度成為焦點,出跳時韋達留守行政大樓斜路監察走勢,特別在操後到大閘口迎接馬匹,接住更跟實此駒返入馬房,相當緊張。