內圈捕影│「豐功偉績」火氣提升
更新時間：01:00 2026-11-12 HKT
發佈時間：01:00 2026-11-12 HKT
發佈時間：01:00 2026-11-12 HKT
字體大小
不少報名馬昨朝到內圈出試，場面熱鬧，甚多精彩鏡頭。
「智多多寶」助手踱一圈，收斂淡定唔再搶口，全程接受操控，身靚全身肌肉，神采奕奕上佳水準。「豐功偉績」助手踱一圈，毛色靚展現光澤，步順力雄火氣提升，跑姿順暢落腳輕巧，落班弗得及時。
「知恩圖報」助手踱一圈，全程彈下彈下，充滿活力好生猛，毛色亮麗有光澤，佳態保持體力充足。「量子力奇」助手踱一圈，步伐穩健力度唔錯，馬身一直做得好靚，神態軒昂又有暗火，前所未見吸引。
「天蓬貓」助手踱一圈，試來精神爽利，擔高頭神氣十足，步順輕巧神態暢旺，開竅更進銳不可擋。「星系之錶」助手踱一圈，慣性有點搶口，神生步爽展現朝氣，馬身更實淨毛色更靚，進度不斷轉好。
正本巨星運步如輪
「正本巨星」力度充足暗火湧現，正值勇境極具好感。
「晨曦鳳凰」助手踱一圈，表現極之放鬆，汗濕唔多，神態專注目光集中，馬身收得靚，愈來愈省鏡。「正本巨星」助手踱兩圈，運步如輪神采奕奕，力度充足暗火湧現，馬身壯毛色靚，正值勇境極具好感。
「滿心星」黃智弘踱兩圈，神態極之輕鬆，落腳輕巧富彈力，外觀靚身壯肌肉結實，朝氣勃勃長期呈勇。「怡昌明駒」助手踱兩圈，唔急唔搶口勁收斂，力度充裕馬身結實，神態活躍落腳夠輕，弗到不得了。
謝鋒
