沙田早晨│老蔡跟住一對馬返倉
更新時間：15:40 2026-11-02 HKT
發佈時間：15:40 2026-11-02 HKT
發佈時間：15:40 2026-11-02 HKT
字體大小
來到十一月份，照計蔡廄攻勢已展開，正如今次賽事來勢洶洶，五匹參戰馬有四匹上仗在田草出戰，今次轉戰谷草顯得來者不善，當中「辣得準」同「豐功偉績」今朝一早出跳，一如既往蔡約翰聯同副練到公眾席督操，課後就趕到機坪口睇馬，繼而再跟住呢對馬返倉。
合夥飛馳威哥反常態
「合夥飛馳」今朝試跑呂健威舉鏡睇實，課後並罕有到機坪接馬。
今季成績大跌的呂健威，剛戰終止跌回升，不只贏馬更梅開二度，今次派四駒上陣不乏惡馬，不難延續勝纜，尤其「合夥飛馳」最要留意，一連兩仗跑第四全面回勇，今朝試跑更有火有力，走勢吸引到不得了，威哥亦極之緊張，除了舉鏡睇實，課後並罕有到機坪接馬。
愛心萬里輝哥急住問
今朝「愛心萬里」試跑之後，姚本輝第一時間向袁幸堯追問進度。
姚廄雖然剛戰未有進帳，但整個十月份豪取十W無花無假，看今次賽事出馬多達七匹，人氣倉口有追捧必要，姚本輝今朝督操如常積極，整朝馬房、機坪、烽火台三邊走，當袁幸堯為「愛心萬里」主持試跑之後，佢更匆匆趕去機坪隧道口，第一時間向袁妹追問進度。
勇霸龍今朝跳就潘頓
「勇霸龍」留待今朝試跑，擺明遷就潘頓親身考驗。
今朝從化又有十組大閘，多位騎師北上參與，大哥大潘頓當然如常留港，卻不代表會愉懶，如常到場操馬，並且為「勇霸龍」出跳，特別提到此駒，一來是潘頓首匹出試馬，二來其他黎廄參戰馬均於周日出跳，唯獨「勇霸龍」留待今朝試跑，擺明遷就潘頓親身考驗。
越駿齊歡全哥落柯打
今朝「越駿齊歡」出跳時，羅富全居高臨下向鞍上人教路。
「越駿」系目前有兩駒，由黎昭昇訓練的「越駿聯歡」已率先建功，羅廄「越駿齊歡」既未開胡更佳作欠奉，羅富全當然要盡快交代，戰意百份百，今朝此馬接近六點出跳，全哥變陣走去烽火台二樓督操，特別在「越駿齊歡」從隧道步出，全哥居高臨下向鞍上人教路。
