沙田早晨│「盈好威楓」輝哥急住問
更新時間：00:02 2026-10-30 HKT
發佈時間：00:02 2026-10-30 HKT
發佈時間：00:02 2026-10-30 HKT
字體大小
今季較遲開齋的姚本輝，去到九月二十七日才打開勝門，然而此後順風順水，對上三次賽事均有進帳，目前已累積十W，周日出馬既多又惡，有望再斬四兩。其中「盈好威楓」要加倍留意，昨朝一早到大圈出跳，輝哥一貫跟出跟入，最特別是操後即到隧道口向鞍上人追問。
「確好勁」阿甘跟埋返倉
窮則變變則通，既然「確好勁」陣上搶口難操控，於是甘敏斯讓牠縮程一千出戰，能否變出彩虹跑過至知？不過昨朝出跳所見，馬兒斂口試得放鬆，外觀更靚到無得挑剔；另一焦點是阿甘的緊張動靜，出跳時走上烽火台二樓督操，課後即趕去接馬，繼而跟埋「確好勁」返馬房。
「確好勁」昨朝出跳所見，馬兒斂口試得放鬆，外觀更靚到無得挑剔。
「電子騰飛」阿澤好早到
昨朝大部分騎師遲到晨課，反而向來六點半後露面的何澤堯，卻一反常態早於六點出現，亦因此當時為「電子騰飛」出跳而引起注目。事實上，除了阿澤早到，另一邊廂的蘇偉賢亦緊張不已，課前已現身機坪主持大局，之後出跳完畢又趕到該處，當時捉住阿澤傾談大計。
「超開心」全哥厚此薄彼
「超開心」上仗改攻谷草得手，奇怪今次棄戰一哩，變陣改爭千八。睇番一早卜定艾兆禮執韁，並於周一搵到後者過檔，擺明決意乘勝追擊。此馬昨朝阿禮未有親試，不過羅富全一樣緊張到痹，課後接馬向鞍上人問長問短，同期出試的「方圓星」則未獲以上待遇。
