沙田早晨│「金聖」樂仔滿意笑笑口
更新時間：00:05 2026-10-23 HKT
發佈時間：00:05 2026-10-23 HKT
發佈時間：00:05 2026-10-23 HKT
字體大小
昨朝沙田舉行試閘，不少騎師特意早到場操馬，其中周俊樂五點已現身試文廄「金聖」，以慢速完成，馬匹表現淡淡定，予人極佳觀感。樂仔亦非常滿意，出試後回程時多次拍馬頸，落馬後同副練匯報時更笑笑口，之後耙地時段，佢更走到烽火台搵文家良傾談。
「擅搏」賀賢向安仔教路
田泰安昨朝都好早到，未夠五點已經出現，亦是最早到場外籍騎師，全朝匹上匹落操馬多匹，非常落力，操過馬匹之中，以賀廄「擅搏」最有睇頭，當安仔策騎去到從隧道出來，賀賢即從烽火台二樓室內，走出室外露台向安仔教路，當時仲講到手舞足蹈，多多表情。
「領駿先鋒」潘頓好詳盡
潘頓不止再度為「領駿先鋒」執韁，昨朝更五點五十分到場立即出試，當時小心翼翼考驗，課後向接馬的葉楚航詳細匯報，鏡頭矚目。
潘頓明顯回勇過來，回港後兩次賽事都有馬贏，剛戰更大演帽子戲法兼捧盃，周日賽事佢惡馬更多，再添進帳可以肯定，其中「領駿先鋒」最要留意，潘頓不止再度執韁，昨朝更五點五十分到場立即出試，當時小心翼翼考驗，課後向接馬的葉楚航詳細匯報，鏡頭矚目。
「超輕鬆」輝哥厚此薄彼
以往姚廄馬踱步大多在內圈出試，今季則變為常常在大點踱步，昨朝五點三十五分，一次過派六匹馬到大圈快踱，包括參戰馬「超輕鬆」、「包裝明駒」及「勁大威猛」，課後姚本輝一貫到隧道口接馬，當時卻只向「超輕鬆」鞍上人問長問短，擺明對此駒最是重視。
