晨光追擊│「祝願」神生步爽
更新時間：15:00 2026-10-16 HKT
發佈時間：15:00 2026-10-16 HKT
發佈時間：15:00 2026-10-16 HKT
字體大小
賽事在下周一舉行，不少戰馬於今朝試跑，勇馬及精彩鏡頭多不勝數。
「祝願」戴頭罩由助手跳兩段，從容不迫好似不用力氣，神生步爽吸引到痹。「極上紗瓏」戴頭罩由潘明輝跳兩段，大踏步而馳威風凜凜，身色都靚，比前時更進一步。
「加州熱浪」戴眼罩由艾道拿跳兩段，墜手起勁火氣極佳，出腳又夠整齊，近況弗到爆。「美麗同享」戴頭罩由鍾易禮跳兩段，年紀大了唔再心急搶口，神采奕奕外觀駟正。
「捷威」助手跳兩段，擔高頭走極具威勢，雙目炯炯有神，外觀又靚馬身好飽滿。「競駿勇士」助手拍「禾道豐」跳兩段，推騎下仍跳輸，面對高班馬可接受，弱馬可力磨是好事。
獎星火力俱佳
「獎星」晨課之星課課好睇，走勢硬淨保養得宜。
「幸運威龍」潘明輝跳兩段，戴頭罩及面箍，唔懶肯走，尚要無咁論盡，勇銳兼有進步。「獎星」戴頭罩由梁家俊跳兩段，晨課之星課課好睇，火力俱佳走勢硬淨，保養得宜。
「驕陽明駒」戴頭罩由助手拍「豐功偉績」跳兩段，扣住而馳火氣唔錯，神態亦活躍番好多，甚至毛色都靚番晒。「飛來閃耀」黃寶妮跳兩段，神情專注步伐爽朗，馬身靚毛色悅目，操足蓄勢待發。
「禾道威」戴頭罩由助手跳一段，重口馬跳得慢唔算規矩，論態甚佳展現朝氣。「常嚐發財」周俊樂跳兩段，戴頭罩及面箍，好放鬆輕鬆完成，落腳夠輕巧，喼到勇態。
「盛勢威楓」黃寶妮跳兩段，健步如飛渾身是勁，馬身壯到不得了，佳態洋溢。「紫荊盛勢」戴頭罩由梁家俊跳兩段，愈來愈內斂，步闊之餘又夠輕巧，予人極佳好感。
「八玲瓏」助手拍「健康快車」跳兩段，全程落後少少，唔懶出腳變得整齊，馬身愈見扎實。
兆文
最Hit
