沙田早晨│輝哥兒子緊張「醒先生」
更新時間：00:01 2026-10-16 HKT
發佈時間：00:01 2026-10-16 HKT
發佈時間：00:01 2026-10-16 HKT
字體大小
姚本輝出外買馬不在港，不過攻勢未有放緩，剛戰再添進帳，更起孖贏埋練馬師王。下周一再次大軍壓境不乏餐士馬，「捷威」、「超寫意」自然要留意，甚至冷門「醒先生」也要留意，原因昨朝五點到大圈踱步，當時輝哥兒子副練姚浩豐好緊張，不論課前課後都跟實。
「醒先生」昨朝五點到大圈踱步，當時輝哥兒子副練姚浩豐好緊張，不論課前課後都跟實。
甘廄兩駒副練拍過程
甘敏斯完全唔心急，開季至今只派馬出賽過十次，即使仍未贏馬，但也取得兩亞一季共三次上名，而且好少失落獎金名次，暫時睇作風都係操夠才出。所以今次派「確好勁」和「神鵰」出戰必要留意，而昨朝兩駒分別進行快跳，整個過程副練都錄低片斷，極具睇頭。
「堅先生」(圖) 昨朝試跑由田泰安親試，安排同「本領多好」拍跳，全程在後順走，至於桂神課後就到會員席督操，課後第一時間趕返接馬向安仔追問一切。
「堅先生」桂神追問安仔
上季開倉成績不俗的桂福特，更訓練出明星馬「堅先生」，決意向今季四歲系列賽進軍，當然部署小心翼翼，操足唔好唔上陣。昨朝試跑由田泰安親試，安排同「本領多好」拍跳，全程在後順走，至於桂神課後就到會員席督操，課後第一時間趕返接馬向安仔追問一切。
「狼來了」森仔手舞足蹈
希威森今季僅得一W，今次喜獲兩匹沈廄惡馬上陣，包括「狼來了」同「逍遙人生」，大有機會破悶局增添進帳。尤其前駒佢更高度重視，剛剛的周日晨課，特意唔放假專誠到場親試，昨朝試跑自然繼續親操，課後並詳細向接馬的沈集成匯報，當時仲講到手舞足蹈好肉緊。
