沙田早晨│輝哥緊張「輝灑自如」
更新時間：15:40 2026-10-12 HKT
發佈時間：15:40 2026-10-12 HKT
發佈時間：15:40 2026-10-12 HKT
字體大小
姚本輝今季較遲開齋，幸好打開缺口後表現不俗，昨日憑「旌採」添進帳並贏埋練馬師王；今朝輝哥繼續留守沙田督操，一如以往全朝騰出騰入，其中「輝灑自如」出跳前，練者份外緊張，跟住此馬出圈，跳後又趕到機坪接馬，並即向鞍上人袁幸堯追問情況，相當肉緊。
韋廄兩駒露手影
「開心旺財」和「家傳之寶」今朝出跳時，韋達在行政大樓斜路舉鏡睇實，課後又到馬房閘口接馬。
今朝未夠五點，韋達派出兩匹參戰馬「開心旺財」和「家傳之寶」出跳，雖然練者未有跟出跟入，但就在行政大樓斜路舉鏡睇實，課後又到馬房閘口接馬。其中「開心旺財」近兩戰出爭四班賽已見所負不遠，今次首度落五班出戰着數到暈，值得看好。
星辰千帥比特星添食
今朝「星辰千帥」同「比特星」被安排同時段出跳，賀賢在食胡位金睛火眼望實。
今季賀賢手風不俗，昨日更梅開二度，並取得在港第七百W；今戰賀廄雖只派「星辰千帥」同「比特星」出戰，但兩駒同樣新勝猶勇，再替練者添進帳並唔奇。今朝兩駒被安排同時段出跳，賀賢在食胡位金睛火眼望實，睇完更立即講電話，似向手足落操後柯打，甚為積極。
何澤堯親試文武全能
何澤堯今朝親替「文武全能」出試。
何澤堯今朝不只現身沙田操馬，甚至比起平日早到，六點已替「文武全能」出試。事實上，這匹伍廄馬今季兩戰都上名，但兩戰均在直路有點受困；今次幕後再向阿澤委予重任，搏殺時自然加多幾分肉緊。
老蔡跟實兩戰馬
今朝「首飾悟空」同「鄉村威龍」出跳前後蔡約翰均跟出跟入，跳後仲跟住呢對馬返馬房。
今季蔡約翰暫時成績一般，但來到十月中應有不同睇法，皆因每季呢個時候，佢都會展開攻勢。今戰蔡廄派「首飾悟空」同「鄉村威龍」上陣，數目雖少，但同樣正值勇境；今朝兩駒在不同時段出跳，練者緊張不已，不論出跳前後均跟出跟入，跳後仲跟住呢對馬返馬房，似乎心中有馬。
追風全哥動靜多
「追風」今朝出跳後返回機坪，羅富全不僅趕去接馬，更一度落手拖實。
今戰羅廄出馬不少，當中「追風」出跳前先到機坪熱身，羅富全對牠甚為緊張，留守欄邊睇實整個過程，之後又走上烽火台督操；最特別係此馬跳罷返回機坪，全哥不僅趕去接馬，更一度落手拖實，鏡頭相當矚目。
最Hit
